Архив за Фев 2015 г.

Бүгінде стресс деп аталатын дерт адамзат үшін ең қатерлі және белең алған аурулардың бірі болып отыр. Оның белең алғандығы сонша, тіпті стресспен ауырмайтын пенде жоқ десе болады. Қазір стресс адамдардың күнделікті табиғи ахуалына айналып бара жатқандай. Осындай жағдайда адамдардың жүйкесін жұқартып, өмір алдымызға қойған кедергілердің алдында қауқарсыз ететін, ар-намысымыздың аяқ асты болып, тапталуына ұшырататын осы қатерлі дерттен толайым құтылу – барша жұрттың арманы екендігі анық.

Стрессті басқару.

Стресс туралы ілімнің негізін салушы Ганс Сельенің айтынша, стресс деген өлген адамдарда ғана болмайтын адамның табиғи ахуалы. Сондықтан да, стресстен қалай құтыламын деп оның жолын қарастырып уақыт өткізудің жөні жоқ. Ең дұрысы, стрессті өмірлік құбылыс ретінде (далее…)

Сиқыр дегенді көбіміз сахнада түрлі таңғажайыптар көрсететін көзбояушылық деп түсінеміз. Шындығында сиқыр қолдың шеберлігі арқылы жасалатын фокус қана емес. Сиқыр туралы қасиетті Құранда айтылған. Дін ілімін терең меңгерген ғұлама әулиелер көрсететін таңғажайыптар керемет деп аталса, керісінше сайтани ілім арқылы жасалатын таңғажайыптар сиқыр болып саналады. Сиқыр негізінде адамдарға залал жасау арқылы белгілі бір мақсатқа жетуді немесе түрлі игіліктерге қол жеткізуді мақсат етіп жасалады.

Қазіргі заманда сиқыр бар ма?

Өзінің бастауын ертедегі Бабыл (Вавилон) патшалығынан, тіпті онан да ертерек заманнан алатын сиқырдың адамзатқа берілуіне әзәзіл сайтанның тікелей ықпалы болғандығын ислам діні ғұламалары еңбектерінде айтылады. Сиқыр дінмен қатар жарыса дамып, оны ұстанатындар ұрпақтан ұрпаққа жалғастыру арқылы сайтани өнерді бүгінгі күнге дейін алып келді.

Қазақша дуалау деп аталатын дерттің астарында сиқырдың жатқаны белгілі. Біздің (далее…)

Мына дүниеде біз қандай байлыққа, атақ-даңқ пен игілікке қол жеткізбейік, күндердің күнінде бәрінен жұрдай болып айрыламыз. Бұл – ақиқат. Өкінішке орай, адамдардың 99 пайызы осы ақиқатты білмейді және білгілері келмейді. Күні кеше Австрияның түрмесінде ҚР Президентінің бұрынғы күйеубаласы, бұрынғы ҰҚК бастығының орынбасары, генерал, миллионер Рахат Әлиев өмірден өтті. Ауырып, болмаса басқа бақытсыз жағдайдан өлсе ештеңе емес, өзіне өзі қол салған деседі. Ғаламторда осылай жазды.

Семіздікті қой ғана көтереді.

Генерал формасын киіп, үлкен қызмет тұтқасын ұстаған, үлкен адамның туысы, бай-олигарх Рахат Әлиевке кезінде көп адамдар қызыға және қызғана қарағаны белгілі. Олардың бәрі «шіркін, біз де осындай болсақ» деп іштей күрсіне армандайтын. Міне, сондай «бақыттың ең биік шыңына» көтерілген адамның абақтыға қамалып, ақырсында өзін өзі өлтіруі – фәни (далее…)

Бүгінде инвестиция деген термин жұртқа жақсы танымал болып алды. Инвестор, инвестиция дегенді БАҚ жиі айтып, жазып жатады. Инвестиция дегеніміз не және ол адамдарға не береді? Инвестиция артық ақшаңызды тиімді жобаларға салу арқылы ақшадан ақша жасау өнері.
Бүгінде бай-бақуатты болғысы келмейтін пенде жоқ. Бәрі ақшаға сатылатын нарықтық қоғам ақшаның беделін асқақтата көтергені сонша, ақша үшін тәнін, ағзаларын, ар-ұятын сататындар, тіпті ақша үшін адам өлтіретіндер шықты. Олардың мұндай әрекетіне қазір ешкім таң қалмайды.

Ал бай-бақуатты болудың ең сенімді және қолжетімді тәсілі — инвестиция. Сіз қанша көп жалақы алғаныңызбен бәрібір байлыққа жете алмайсыз. Жалақыңыз өскен сайын шығыныңыз да өсе бермек. Яғни, баю үшін мол жалақы алу шарт емес. Байлыққа бастар жол – бизнес. Бірақ екінің бірі бизнеспен айналыса алмайды. Оның қиындығы өз алдына, қомақты қаржыны қажет етеді. Енді қалғаны – инвестиция.

Ақшаны қайда инвестициялауға болады?

Ең алдымен қолжетімді және сенімді тәсіл саналатын банк депозитіне ақша салуға болады. Қазір мемлекет тарапынан банк депозиттеріне кепілдік берілген. Егер банк бір себептермен банкрот болып қалған жағдайдың өзінде сіздің депозитіңіз мемлекеттік кепілдік бойынша толық қайтарылады. Депозит ең сенімді және тәуекелсіз жоба, бірақ оның бір кемшілігі – пайыздық (далее…)

«Ашу – дұшпан, ақыл – дос, ақылыңа ақыл қос» деген мақал бар. Әдетте адамдар жауды сыртқы дүниеден здейді, ал шындығында ең қатерлі дұшпан өзіміздің ішкі жан дүниемізде екенін қаперімізге алмаймыз. Сондай қатерлі дұшпандардың бірі – ашу.
Ашу жүрген жерде ақыл жүрмейді. Ашу адамның ақыл-санасын тұмандандырып, есуастыққа ұрындырады. Бойын қатты ашу билеген адам ақыл-естен жұрдай есуасқа айналады. Ондай пенде не істеп, не қойғанын білмейді.

Ашу тұрған жерде, ақыл тұрмайды.

Бұрынырақта бір таныс жігіттің басынан өткен оқиға ашудың адамға қаншалықты қатерлі екендігін айғақтап бергендей болды. Алматыда бір техникумда оқып жүрген әлгі жігітті жоғары курс студенттері жазықсыз соққыға жығады. Бас жарылып, көз шықпаса да ол қатты таяқ жейді. Осыған ыза болған әлгі танысым, ашуға беріліп ақылға сиымсыз шаруа жасайды. Ол қолына (далее…)

Адамның ең қатерлі жауы қателік емес, қорқыныш. Қателік зерделі адамды ширатады, ал зердесіз пендені ойына алған масқатынан бас тартуға мәжбүрлейді. Қателігінен сабақ алған зерделі жан адаса жүріп, мақсатына жеткізер түзу жолды іздейді және оны табады. Қиындықтар мен кедергілерді жеңген ол ақырсоңында аңсаған арман-мақсатының асқарына көтеріледі. Ал қателіктен сабақ алмаған зердесіз пенде кездескен қиындықтарға шыдамай, ойына алған шаруасын орындаудан бас тартады және санасын қорқынышқа алдырады. Қорқыныш адамды әлжуаз, дәрменсіз һәм қорғансыз етеді. Санасын үрей мен қорқыныш, күмән мен күдік билеген пенде ешқашан мақсатына жете алмақ емес және көлеңкесінен қорқып, өмірін тауқыметпен өткізеді.

Байлыққа бастар жол

Мемлекеттік немесе жеке меншік кәсіпорында жұмыс істеп жүріп, байыған бір адамды көрдіңіз бе? Қандай лауазымды қызмет атқармасын, қаншалықты жоғары жалақы алмасын, әлдекімге жалданып жұмыс істеген адам ешқашан байлыққа қол жеткізе алмайды. Роберт Киосаки (далее…)

Ғылым қанша қарыштап дамыды десек те, әлі күнге дейін емі жоқ жазылмайтын аурулар көп. Ондай ауруға ұшыраған адам өлім жазасына кесілген қылмыскер сияқты. Яғни, оның ажал тырнағынан құтылуының еш мүмкіндігі жоқ.
Шындығында солай ма? Жоқ. Медицина жазуға дәрменсіз болып отырған аурулардан айығып, ұзақ жылдар өмір кешкен адамдардың таңғажайып істері бұған дәлел.

Қатерлі ісіктің емі – мұздай су құйыну.

Мұздай су құйыну арқылы денсаулығын шыңдау тәсілінің авторы Порфирий Ивановты білмейтін адам жоқ. Бірақ оның не себепті мұздай су құйынуға көшкенін екінің бірі біле қоймайды. Шындығында Порфирий Иванов мұндай әдетке жазылмас дерттен айығамын деген үмітпен көшкен екен.

Жас күнінде жазылмас дерт – қатерлі ісікпен (рак) ауырған оған дәрігерлер жарты жылдық (далее…)

Материалистік ғалымдар атам заманнан осы күнге дейін алдымен идея болған ба, әлде материя болған ба деген сауалға жауап таба алмай бастарын қатырып жатыр. Бұл мәселеге фәни философия тұрғысынан емес, кәдімгі адами қисынға салып қарайтын болсақ, алдымен идеяның дүниеге келетінін бағамдауға болар еді.
Мәселен, сіз үй салу үшін бірден іргетасын құйып, содан кейін қабырғасын қалап кірісіп кетпейсіз ғой. Алдымен болашақ үйдің нобайын көз алдыңызға елестетіп, көңіліңізде пісіріп аласыз. Ол үш, бес бөлме бола ма, есігі, терезесі қайда қарайды және қанша болады дегенді ақылға салып аласыз. Бұны – жоба дейді. Яғни, бәрі идеядан, анығырақ айтқанда ойша болашақ нысанның бейнесін жасаудан басталады. Ал бұны қарапайым ұғымға салар болсақ – арман деп айтуға болады.

Барлық іс армандаудан басталады.

Адамды биіктерге бастап, жаңа істерге құлшындыратын құдырет – арман. Алдымен адам армандап, егер осындай мақсатқа жетсем, мынадай игіліктерге ие болар едім деп қиялдайды. Сол қиял-арман келе-келе нақтыланып, одан жоспар пайда болады. Сол жоспарды іске асыру (далее…)

Сіз өткен өмір жолыңызды байыппен еске алып көрдіңіз бе? Олай жасамасаңыз, өміріңізді түгел еске түсіріп байқаңыз. Осылай жасағанда, сіз өмір дегеніңіздің өзі көңіліңізді жылылыққа бөлейтін жағымды немесе жаныңызды құлазытатын жағымсыз әсерлердің жиынтығы екендігін бағамдар едіңіз. Иә, өмір дегеніміз жағымды, не жағымсыз әсерлердің жиынтығы, онан басқа ештеңе де емес.
Бһагавад Гита кітабында мына фәни жалғандағы тірлікті сезім мүшелерінің сезім нысандарымен жанасуы арқылы алынатын әсер екендігі айтылады. Фәни жалған өз бетінше тұрғанда жақсы да, жаман да емес. Оны бізге жақсы немесе жаман етіп көрсететін сезім органдары арқылы алатын әсерлеріміз.

Бақытты немесе бақытсыз болу әркімнің өзіне байланысты.

Қыстың қақаған суығында далада мұздың ойығына суға түсу қалыпты адамның денесін тітіркететін жағымсыз іс. Ал мұздай суға шомылып үйренген «морждар» үшін ол тәнін рахаттандырар жағымды шаруа. Таңертеңгілік жарты сағат дене жаттығуын жасау үйренбеген адамға жан қинау болып көрінсе, салауаттылықты серік еткен адамға бұл тәнін сергітудің амалы (далее…)

Егер сіз инвестор болғыңыз келсе, инвестициялаудың негізгі принциптерін жақсы білуіңіз шарт. Инвестиция деген – бұл белгілі бір ақша сомасын көңіліңіз қалаған жобаға салу арқылы пайда табу. Яғни, сіз 100 мың теңге саласыз да жарты жыл өткенде 150 мың теңге етіп қайтарып аласыз. Роберт Киосаки білікті инвестор қанша пайда табатынын алдын ала дәл есептеп біліп алады дейді және ол тек пайда түсіретін жобаларға ғана қаржы салады.
Ақшаңызды сақтаудың екі түрлі тәсілі бар: біріншісі пайдалы жобаларға қаржыңызды салу арқылы белгілі мөлшерде табыс табу, екіншісі жалпақ тілмен айтқанда жастықтың астында ұстау. Екінші жағдайда сіз ақшаңыздан айрылмағаныңызбен, инфляция ақшаңызды уақыт өткен сайын құнсыздандыра бермек.

Тәуекел мөлшерін азайту.

Инвестициялау – барлық уақытта тәуекелдің ісі болып табылады. Ол тәуекелдің үлкен-кішілігі қандай жобаға, қанша сомада ақша салумен байланысты. Егер ой жіберіп қарайтын болсақ, біздің өміріміз түгелдей тәуекелге негізделгенін бағамдауға болады. Өмір алдымызға ұдайы түрлі қиындықтар мен кедергілерді тартып отырады. Инвестициялау арқылы біз тәуекелді (далее…)

Яндекс.Метрика