Архив за Апр 2015 г.

Ертеде ел кезіп, қайыр сұраумен күн кешкен дәруіш өмір сүріпті. Ол үнемі Алланың атын зікір етіп, Жаратқанды есіне алып жүретін. Мына жалған дүниенің қызығын баз кешкен тақуа дәруіш күндердің күнінде бір бай саудагердің сарайына келді. Алыс жолдан қатты қалжыраған дәруіш аш еді.

Сәулетті сарайдың алдындағы бақшада мамық төсекте маужырап жатқан саудагерді қызметшісі желпуішпен желпіп тұр. Аш дәруіш бай үйден өзегін жалғар бірдеңе табылар деген үмітпен саудагерге жақындап келіп Алланың атын айтып сәлем берді. Көзін сығырайта ашып, оған тәкаппарлана қараған бай мезіреті етіп сәлемін де алмады. Бірақ дорба асынған сақалы желбіреген дәруішке қарап, бәлкім бұл тылсым ілімді меңгерген әулие шығар, онда мен бұдан болашағымды сұрап көрсем қайтеді деген ой келді.

Байлық адамның ақылын тұмандандырады.

Ол басын көтеріп, мамық жастыққа шынтақтай жатты. Содан кейін дәруішке қарап, «байқаймын сен құдай жолында жүрген тақуа адам сияқтысың» деді.

-Иә, мәртебелім, бар өмірімді Жаратқанға құлшылық етуге бағыштаумен келемін, -деді дәруіш.

(далее…)

Бір кезде Ресей президенті болған Елциннің қауіпсіздік қызметін басқарған генерал Ратников дегеннің сұхбаты интернетте жарияланды. Генералдың айтуынша, шет елдік саясаткерлердің, оның ішінде барша әлемге үстемдік етуге ұмтылушы АҚШ басшыларының ой-ниеттерін білу үшін Ресей басшылығы гипнозшы мамандардың қызметіне иек артқан.

Арнайы офицерлерден құралған топ шалғайдан гипноздау арқылы АҚШ-тың сол тұстағы президенті Буштың ой-ниетін анықтайды. Буштың пікірінше, барлық мемлекет басшыларының үстінен қарайтын трансұлттық корпорация деген бар және барлық билікті солар жүргізеді. Олардың мақсаты әлемдік бірыңғай тәртіп дегенді жүзеге асыру. Осы бағдарлама бойынша барлық билік ат төбеліндей аз топтың қолына шоғарланып, әлем елдері түгел құлдыққа түспек. Бұл сөзді жәй біреу айтса, өсек болар дер едік, дегенмен Ресей президентінің қауіпсіздік қызметінің басшысы, білдей генералдың аузынан шыққан сөз еріксіз ойландырады.

Билік кімнің қолында?

Бір қарағанда қолында шексіз билігі бар АҚШ президентін тағайындап, оған әмірін жүргізетін мемлекеттің үстінен қарайтын топ бар дегенге сену қиын. Дегенмен, «жел болмаса шөптің басы қимылдамайды» демекші, 300-дің комитеті, масон тағы деген сияқты мемлекеттік биліктің үстінен (далее…)

Әлемге танымал жапон ғалымы Кацудзо Ниши адам ағзасының керемет мүмкіндіктерін ашып, жазылмайтын дерттерден жазылудың қарапайым қолжетімді тәсілін жасады.
Бала кезінен дімкәс болған Нишиге дәрігерлер ары кетсе 20 жасқа дейін ғана өмір сүреді деген диагноз қояды. Айықпас дертке шалдыққан бозбала денсаулығын нығайтудың теңдессіз тәсілін жсаудың арқасында ауруларынан айығып қана қоймай, ұзақ жылдар бойы жемісті еңбек етті.

Сенім арқылы барлық дерттен жазылуға болады.

Ниши тәсілінің негізі – адам ағзасының қалыпты қалпын жаңғыртуға мүмкіндік ашу. Осыдан кейін ағзаңыз бойыңыздағы дертті өзі-ақ жеңіп шығады. Біздің ағзамыз – дана және жетілген жүйе болып табылады. Онда табиғаттың өзі дарытқан аурудан айығу қабілеті бар. Ең бастысы, ағзаларыңыздың өзін өзі емдеуіне жағдай туғызу.

Ниши тәсілі бойынша емделуге кіріспес бұрын, ең алдымен мына жайды мықтап есте ұстаған (далее…)

Бай, бақуатты болудың жолы күндіз-түні бел шешпей тынымсыз тер төгіп жұмыс істеу деген түбірімен қате пікір. Егер көп жұмыс істейтін адам көп ақша табатын болса, онда Астана, Алматы сияқты ірі қалалардың құрылыстарында тәулігіне 12 сағаттан демалыссыз жұмыс істейтін құрылысшылардан бай адам болмас еді. Өкінішке орай, қысы-жазы тынным таппай тер төгетін құрылысшылардың алатыны ауыз жарығысыз тиын-тебен ғана. «Есектің арқалағаны алтын, жегені сабан» дегендей, күндіз-түні тынным таппай тер төгетін қарапайым еңбекшілердің табатыны тамағы мен киімінен артылмайды.

Байлыққа жетудің сенімді жолы — инвестиция.

Байлыққа бастайтын сенімді және жұрттың бәріне қолжетімді қарапайым жол – инвестиция. Егер сіз айына 70 мың теңге табатын болсаңыз, сол ақшаңыздың бір бөлігін, мысалы ай сайын 10 мың теңгені инвестициялап отырсаңыз, белгілі уақыт өткенде қомақты қаржы жиналады. Әрине, ақшаңызды жастыққа тығып сақтау дұрыс емес. Ондай ақша уақыт өткен сайын құнсызданып, (далее…)

«Бірінші байлық – денсаулық» деп қазақ тектен текке айтпаған. Егер денсаулығыңыз дұрыс болмаса, онда сіздің байлығыңыздан, биік мансабыңыз бен атақ-даңқыңыздан келер еш пайда жоқ. Пайғамбарымыз Мұхаммед ғалекиссалам хадистерінде «денсаулықты сақтау мұсылман баласына уәжіп, өйткені барлық тағат ибадат сол арқылы жасалады» деген.

Денсаулықты сақтаудың ең сенімді және бірден-бір жолы – емханаға барып, дәрігер жазып берген дәрілерді алып ішу деп түсінеді көп адамдар. Бұл – түбегейлі қате пікір. Дәрі ішіп, аурудан құлан-таза жазылып кету мүмкін емес. Дәрі сіздің бір ауруыңызды аздап басып, әлсіретуге жәрдемін тигізгенмен, оның, әсіресе химиялық жолмен жасалған улы дәрілердің адам ағзасына үлкен залалдары болатынын дәрігерлердің өздері де теріске шығармайды.

Денсаулықты сақтаудың қарапайым тәсілі

Денсаулықты сақтаудың қарапайым және қолжетімді тәсілі- салауаттылық өмір салтын ұстану. Бұған еш ақшаның қажеті жоқ, бар болғаны күн сайын аздаған уақытыңызды бөліп отырсаңыз болғаны.

Денсаулықты сақтап, нығайтудың қарапайым және қолжетімді тәсілдерінің бірі ретінде мұздай суға шомылу жайын тілге тиек етпекпіз. Порфирий Ивановтың мұздай суға шомылу тәсілін насихаттау осыдан біраз жыл бұрын елімізде белең алып, содан кейін неге екені белгісіз тиылып (далее…)

Бай-бақуатты болудың ең сенімді, қарапайым және қолжетімді жолы – инвестиция екендігін осының алдындағы бір мақаламызда айтып кеттік. Инвестициялау үшін ірі бизнесмен болу немесе жалақыңыздың жоғары болуы шарт емес. Ең бастысы, алдыңызға нақты мақсат қойып, ақшаңызды сенімді жобаларға үзбей инвестициялап отыруды берік дағдыға айналдыру қажет. Міне, сонда табысқа сөзсіз жетеріңіз анық.

«Инвестициялауды қалай үйренуге болады?» деген сауалға жауап бермес бұрын, ең алдымен «Инвестициялау не үшін қажет?» деген сұрақтың жауабын тауып алғанымыз жөн. Инвестициямен айналысқысы келетін адам негізінен екі мақсатты көздейді: №1 мақсат – белгілі бір қажеттілік үшін ақша жинау.

Инвестиция қажетті ақшаны жедел жинауға көмектеседі.

Мәселен, сіз автокөлік сатып алғыңыз келді делік. Әрине, жалақымен жан бағып отырған сізге бағасы миллиондаған теңгемен өлшенетін машинаны бірден сатып алу қиынға түсетіні белгілі. Бұл мәселені шешудің бірден-бір тиімді жолы – ақша жинау. Бұл жағдайда сізге инвестиция ойыңызға алған шаруаңызды неғұрлым жедел орындауға мүмкіндік береді. Ақшаңызды жастыққа тығып сақтағаннан гөрі, банк депозитіне салу немесе акциялар сатып алу арқылы (далее…)

Дәстүрлі діндердің бәрінде тәубеге келу ерекше орын алады. Мәні зор осындай діни шарт саналатын тәубе дегеннің өзі не? Тәубенің діни мәні сан алуан десек те, негізгі мәні – Жаратқанның берген игіліктеріне қанағат етіп, осындай игілік берген Аллаға ризалығын айту, сол үшін өзін Жаратқанның алдында қарыздар сезіну. Сондай-ақ, жасаған күнәлары үшін өкініп, осы үшін шын ниетімен Алладан кешірім сұрау да тәубеге жатады.

Тәубесін ұмытқан пенделер.

Қазақта «құдайдан қорықпағаннан қорық деген сөз бар. Жүрегінде иманы жоқ, Алланы мойындамайтын адам нәпсінің құлақ кесті құлына айналады және тойымсыз нәпсінің жетегімен ойына не келсе, соны жасауға бейім тұрады. Жыл өткен сайын белең алып бара жатқан қылмыстар мен арсыздықтардың астарында адамдардың иманнан аулақтап, тәубе дегенді естен шығаруы жатқаны даусыз.

Егер ақылға салып қарайтын болсақ, Алланың адам баласына берген игіліктерін санап тауыса (далее…)

Діннің шығу тарихына ой жіберіп қарасақ, ол  адамзат баласымен бірге жасасып келе жатқанын аңғаруға болады. Дін жүздеген мың жыл бұрын тас ғасырында өмір сүрген жартылай тағы адамдарда да болған. Археолог ғалымдарымыз ежелгі дәуірде жерленген адамдарды жерлеу рәсімдеріне қарап, олардың қандай діни шарттарды ұстанатынын анықтайды.

Жалған пайғамбарлар.

Бүгінде адамзат негізінен бес дәстүрлі дінді, атап айтқанда: ислам, христиан, иудей, буддизм және индуизм діндерін ұстанады. Сонымен бірге, дәстүрлі емес діндер де жетерлік, сондай-ақ жоғарыда аталған дәстүрлі діндерден бастау алатын түрлі ағымдар да көп. Өткен ғасырда өмір сүрген «Саентология шіркеуінің» негізін салушы Рональд Хаббард «байығың келсе, жаңадан дін (далее…)

Кеңес заманында Қазақстанда екі-ақ университет болатын, институттардың сана да онша көп емес-тін. Қазір бір ғана Көкшетауда екі университет пен бір академия, оған қоса бірнеше институт бар. Жоғары оқу орындарының саны барған сйын өсіп барады.
Қазір жоғары оқу орнын ашу – күректеп ақша түсіретін бизнес болып алды. Ондағы білім сапасының қаншалықты екендігі жұрттың бәріне белгілі. Парақорлықтың ең тұнып тұрған жері – оқу орындары. Нарық талабы: сұраныс бар екен, ұсыныс та артады. Яғни, жоғары білім алуға деген сұраныс көп екен, ондай оқу орындары да көбейе бермек.

Әлемдегі ең бай адамдардың жоғары білімдері жоқ.

Сіз білесіз бе, әлемдегі ең бай және сол байлықтарына өз еңбектерімен қол жеткізген Билл Гейтс (Майкрасофт), Марк Цукерберг (Фейсбук), Майкл Соул Делл (Делл), Лоуренс Элисон (Orakle) сияқты алпауыттардың жоғары білімдері жоқ. Соған қарамастан, олар өз еңбектерімен әлемдегі ең бай адамдарға айналды.

Appleкорпорациясының негізін қалаған Стив Джобс мектепте өте нашар оқыпты. Сабақтан жиі қалатын оны үшінші сыныпта мектептен ышғарып жіберген. Содан ата-анасы басқа дәрежесі (далее…)

Жасытарыны жоқ, адамдардың көбі ақша туралы көп ойлайды. Шіркін менде сонша ақша болса, мынау ісім оңғарылып, сонша ақша тапсам деген сияқты арман, жоспар түріндегі ойлар үнемі санамызға маза таптырмайтыны рас. Ақша туралы ойлаудың қаншалықты залалы бар? Шындығында оның денсаулығымызға айтарлықтай залалы болады екен.

Ақшаның арбауында.

Адамдардың көбі еңбек ете жүріп, өз еңбегінің нәтижесі өзгелерге қаншалықты игілік әкелетінін емес, сол жұмысына қанша ақша алатындығы туралы ойлайды. Неғұрлым көбірек алсам, соғұрлым жақсы болар еді деп армандаудың астарында өзімшілдік пиғылдың жататыны анық.
Ақшам көп болса, көбірек рахатқа батып, бақытты тірлік кешер едім деп ойлайтындар бар.

Шыныдғында бақыт ақшаның көп-аздығына байланысты емес. «Қайғысыз қара суға да семіреді» дейді халық нақылы. Керісінше, ақшаның көптігі адамдарға көптеген ауыртпалықтар мен бақытсыздықтар әкеліп жатады. Ол аз десеңіз, үнемі ақша туралы ойлау адамның (далее…)

Яндекс.Метрика