АҚИҚАТ

Жыл тоғысында әрбір адам алдағы жылдан жақсылықтар, игі өзгерістер күтетіні белгілі жай. Өмірді адамға қызықты, тартымды ететін де ертеңгі күнге деген үміт. Міне, қазақша мешін, өзге елдердің күнтізбесінде маймыл атанған жыл да тарих қойнауына сіңіп барады. Алдағы жыл тауық, батыстық күнтізбеде отты тауық деп аталатын жыл.

Жылды арақпен қарсы алу ақымақтық

Жасыратын не бар, адамдардың көбі жаңа жылды арақ немесе шампан құйылған бокал ұстап, ақ тілек айтып қарсы алып жатады. Бұл қаншалықты ақылға сиымды және арақ ұстап тұрып айтылған немесе тілеген тілектің қаншалықты орындалу мүмкіндігі бар?

(далее…)

Қазақта «өзің диуанасың, кімге пір боласың?» деген сөз бар. Ертеректе сопылардың арасында тәкаппарлықтан арылып, кішіпейілді болу, өзін әрдайым Алланың құлы сезіну үшін ерікті түрде қайыршы болып, үй жағалап диуаналық ету жағдайлары кездескен. Міне, сондай қайыршылық күйге түсіп, диуана болған адамның шәкірт алып, ұстаз болуы, біреуге білім беруі жарасымсыз деген мағынада айтылған сөз бұл.

Дін ілімі адамды өзгертеді

Дін тақырыбында біраз кітаптар жазып, діни пәлсапаны зерттеп, өзімше ізденіп жүргеніме міне, жиырма жылдан асыпты. Бір кезде арақ ішіп, нәпсінің жетегіне де ергенмін, мансап, атақ, байлық деген пендешілік игіліктерге қызығып, соған еліккен жайларым аз болмаған. Дегенмен, діни пәлсапаға бой ұрып, ілім-білімге үйір болған соң-ақ жаман әдеттерден арыла бастадым.

Қазір біреу қол-аяғымды байлап аузыма арақ құймаса өздігімнен арақ ішпеймін. Зинадан да аулақпын. Мансап, атақ-даңқ, байлық деген де онша қызықтыра қомайтын болды. Бұның бәрі діни ілім арқылы келген өзгерістер екенін іштей сеземін.

(далее…)

Адамдардың көбі өздеріне зиян келтіретінін біле тұра жаман әдеттерді тастауға ерік-жігер күші жетпей жатады. Темекі тартатын адамның оны тастауға  қауқары жоқ. Араққа салынған пенде соның кесірінен дос-жарандарынан, жұмысынан, тіпті отбасынан айрылып, қаңғып қалса да арақ ішуді қоя алмайды. Ұйқышылдық, жалқаулық, бойкүйездік, салақтық, т.б. толып жатқан өзімізге үлкен залалын тигізетін әдеттерден соны біле тұра арыла алмауымыз – бойымыздағы ерік-жігер күшінің жоқтығынан болады.

Мен қалай арақты тастадым

Менің жастық шағым кеңес заманында өтті. Ол кезде атеитсік тәрбиені санаған сіңірген адамдар о дүниеге сенбейтін. Сондықтан болар, бар қызық осы дүниеде деген түсінік қалыптасып, арақ ішу, темекі тарту, зина жасау – өмырдың қызығы деп қабылданатын және ол үшін ешкім кіналамайтын.

(далее…)

Біздің өміріміз түгел дерлік айналамыздағы адамдармен белгілі бір қарым-қатынаста өтеді. Осыған қарап, өмірдің өзі – қарым-қатынас па деген ойға қаласың. Адамның екі дүниедегі, яғни осы жалғандағы өмірі мен өлгеннен кейінгі тірлігі – айналасындағы жандармен қарым-қатынасына тікелей байланысты болмақ. Жақсы қарым-қатынас жасасақ, екі дүниенің де игілігіне кенелеміз, ал жаман қарым-қатынас жасасақ, екі дүниенің тауқыметіне тап боламыз.

Қарым-қатынас діннен де биік

Пайғамбарымыздың өмірі жайында мынадай әңгіме бар. Бірде бір кісі Пайғамбардан «Маған көрші бір әйел тұрады, өзі күндіз-түні намаз оқиды, өте тақуа, бірақ айналасындағы адамдармен үнемі ұрыссып жүреді, мінезі жаман. Соның өлгеннен кейінгі ахуалы қандай болады?» деп сұрайды. Сонда Пайғамбар: «Ол әйелдің орны тозақ» деп келте жауап қайтарыпты.

(далее…)

Адамдардың 99 пайызы ешқашан, ешқандай жағдайда өзіне өзі «мен кіммін?» деген сауалды қойып, соның шынайы жауабын іздеуге талпынбай, өмір-өзеннің ағысымен бейқам ағып өтеді. Шындығында, адамның екі дүниеде бақытқа кенелуі дәл осы сауалдың жауабына байланысты болмақ.

Өзіңді таны

Ежелгі Афиныдағы ең іргелі мінажатханаға кіре берісте «Өзіңді таны» деген сөз тасқа қашалып жазылыпты. Әлемнің жеті кереметінің бірі саналатын Афины мінажатханасы бес-алты ғасыр мызғымай тұрған. Ол туралы тарих атасы атанған Геродоттың жазбаларында жан-жақты айтылады.

(далее…)

Индустардың ежелден келе жатқан рухани практикасында мантраның (дұғаның) орны ерекше. Санскрит тілінде жазылып, айтылатын мантралардың көмегімен күнадан тазарып, рухани даму жолына түсуден бастап, түрлі дерттерден айығу, еңсені езген ауыр ойлардан құтылып, көтеріңкі көңіл күйге бөлену, жолы ашылып, қырсықтан құтылу, қауіп-қатерден сақтану  сияқты игі әсерлері аз емес.

Құдіретті маха мантра

Таяуда Тайванда бір мезгілде 35 мың адам қатысқан шара өтті. Будда дінін ұстанатын монахтар мен қарапайым адамдар бірлесіп дауыстап санккрит тіліндегі маха-мантраны қайталаған. Мантраны қайталауға буддизм дінінің храмдарда жиі орындалатын дұға оқу әуені пайдаланылған.

(далее…)

Диаметрі 12800 шақырым болатын Жер деп аталатын планетада ғана тіршілік болып, ғарышта қалқып жүрген шексіз көп аспан денелерінің бір де бірінде тіршіліктің болмауы мүмкін бе? Бүгінгі ғылым шексіз ғарышта қалқып жүрген шексіз көп аспан денелерінің бірінде болмаса бірінде жердегіге ұқсас тіршіліктің болуын теріске шығармайды.

Жерде ғана тіршілік бар дейді молда

Жергілікті басылымға жарияланған ғарыш кеңістігіндегі басқа планеталардағы тіршілік жайында жазған мақалама орай бір кісі мынадай пікір айтты. Осы мақаламды оқыған әлгі мешіт молдасынан ғарыштағы өзге аспан денелеріндегі тіршілік жайында сұрайды. Сонда молда: «жерден басқа ешбір планетада тіршілік жоқ, Алла тек жерде ғана тіршілікті жаратты» деп жауап береді. Осыны алға тартқан әлгі кісі маған жұртты теріс жолға уағыздамай, мұндай мақалалар жазуымды доғаруды сұрады.

(далее…)

Жанды, жансыз заттардың бәрінің ғұмырын өлшеп, ескіртіп, тоздырып, ақырсында жойып отыратын мына әлемнің әміршісі – уақыт. Уақыттан жеңілмейтін, оның әміріне бағынбайтын тірі мақұлық, не өлі зат жоқ. Таулар да мүжіліп, құмға айналады, мұхит та сарқылып, жоғалады. Мәңгілік деп санайтын Жер де, Күн, жұлдыздар да уақыты келгенде сөніп, жоғалады.

Уақыт деген не?

Бүгінгі материалистік түсінік уақыт жайында тұщымды ешнәрсе айтпайды. Белгілісі – уақыт деген абстрактылы ұғым, ол өткеннен болашаққа қарай бір бағытта жылжиды деген сияқты бұлыңғыр түсініктер ғана. Ал, ведалық ілімде уақыт жайында жан-жақты және нақты тұжырымдар берілген.

(далее…)

Атағымды шығарып, бай болсам, биік мансапқа қол жеткізсем деп армандамайтын адам кемде-кем. Ақыл-есі дұрыс адамдардың бәрі дерлік атақ, мансап және байлықты – өмірдің ең басты қызықтары және ең үлкен мәні деп санайды. Сол үшеуіне қол жеткізген адамды жұрт бақытты деп біледі. Шындығында солай ма?

Ақша мен атақ – ауру сияқты

Ауырғандықтың белгісі – дененің қызуы көтеріліп, қысымы артады. Бұл аурудың ең негізгі көрсеткіштері. Сол сияқты ақша мен атақ, мансап та адам үшін қан қысымының артуы немесе температураның көтерілуі сияқты дерттің белгісі саналады.

Қасиетті Құранда «Мен жын мен адамзатты Өзіме құлшылық етулері үшін жараттым» деген аят бар. Бұны айтып тұрған – Алла. Ал, Абай айтқандай «Алланың Өзі де, сөзі де рас». Осы аятқа қарап, адамды Алла Өзіне құлшылық етуі үшін ғана жаратқанын ұғынамыз. Яғни, адам өмірінің мәні, екі аяқты пенденің ең басты міндеті – АЛЛАҒА ҚҰЛШЫЛЫҚ ЕТУ.

(далее…)

Өзіміз өмір сүріп жатқан Жер деп аталатын планета туралы не білеміз? Бар білетініміз – ол домалақ шар сияқты, төрттен үшін су басқан, бес құрлықтан тұрады деген сияқты ғылыми түсінікке негізделген болымсыз тұжырымдар ғана. Шындығында, бүгінгі материалистік ғылым Жер туралы тек көрініп тұрған бөлігіне қатысты ғана толымсыз түсінік береді. Іс жүзінде, Жер біз ойлағаннан әлдеқайда басқаша және күрделі планета екен.

Білімді беделді көзден алғанда ғана ақиқатты танимыз

Бүгінгі материалистік ғылымға сенуге болмайтынын мына жайдан анық бағамдауға болады: біз мектепте оқып жүрген өткен ғасырдың 70-ші жылдарында химияда «атом дегеніміз одан әрі бөлшектеуге келмейтін заттың ең ұсақ бөлшегі» деген ереже болатын. Ол кезде ғылым атом ең ұсақ бөлшек деп санайтын. Кейін ғылым дами келе атомның өзі әрі қарай бөлшектенетінін, заттың ең ұсақ бөлшегін табуға әзірге ғылым дәрменсіз болып отырғанын дәлелдеді. Осылайша, материалистік ғылым уақыт өткен сайын өз ұстанымдарын (далее…)