Архив за Янв 2017 г.

ақиқатӘлемнің барлық халықтарында қысқаша бірер ауыз сөзбен түйінделетін даналықты арқау еткен мақал-мәтелдер бар. Қазақтың мақалдарынан өте көп нәрсені үйренуге болады. Өйткені, мақал-мәтелде халық өмірден көрген-түйгенді, ақиқатты негізге алады. Өкініштісі сол, адамдардың көбі халықтың осы тегін ен қазынасын пайдаланбайды.

Ұрлық – түбі қорлық

Қазақтың осы мақалының астарында жатқан ащы өмір шындығын көзімізге шұқып дәлелдейтін жайларды қай-қайсымыз да өмірде күнде дерлік көріп, естіп жүреміз. Бірақ, соған назар аударып, мән беріп,  ой қорытып жататын ешкім жоқ.

(далее…)

кілтБір адамдардың жолы болғыш, мансапқа да, байлыққа да оңай қол жеткізеді, атақ-даңқы әлемді шарлайды. Ал миллиондаған, тіпті миллиардтаған адам тойып тамақ ішпейді, бір айлығы екіншісіне жетпей, кедейшілікте итшілеп тірлік кешеді. Табысқа жетудің құпиясы неде?

Өз еңбегімен байыған адам

Таяуда «Секрет» фильмінің авторы, миллионер, өзін жетілдіру тақырыбында біраз кітап жазған және жұртшылықпен кездесіп, осы тақырыпта лекциялар оқып жүретін ағылшын тілді әлем халқына кең танымал Брайан Треистидің сұхбатын тыңдадым.

(далее…)

ешқашанда берілме«Ынта болса ойға алған мақсатқа жеткізер жүз түрлі жол табылады, ынта болмаса, ойға алған мақсаттан бас тартатын жүз түрлі сылтау табылады» деген екен бір ғұлама. Арман-мақсатқа жеткізер жолдағы ең басты және маңызды қадам – ынта. Неге адамдардың бәрінде бірдей ынта болмайды, ынта қайдан шығады, оны қалай дамытуға болады? Мақаламыздан осы жайында толымды жауап таба аласыз.

Ынта қайдан пайда болады?

Біз бәріміз де мектепте оқып, білім алдық. Бірінші сыныпты аттаған балалардың бәрінің алдында бірдей мүмкіндік тұрады. Мұғалім бірдей, оқулық пен бағдарлама да бір, бірақ соған қарамастан, бір бала жақсы, енді бірі өте жақсы, біреулері орташа, енді біреулері нашар оқиыды. Неге?

(далее…)

сиқырКөз тию  қазақтарда ежелден келе жатқан ұғым. Жалпы, көз тию деген ұғым барлық халықтарда бар. Осыған қарап, бұның тектен-текке шықпағанын, оның астарында үлкен шындық жатқанын бағамдау қиын емес. Атеистік тәрбиені санаға сіңірген кеңес заманында көз тию деген жәй жұрттың ойдан шығарған нәрсесі деп көңіл бөлмейтін. Дегенмен, соған қарамастан, бұл ұғым халық арасында жойылып кеткен жоқ.

Қалай көз тиеді?

Бала кезімізде кейбір адамдардың көзі болады дегенді жиі еститінбіз. Көз болғанда, кәдімгі көретін өзіміздің қос жанарымыз емес, сұқтанып қарағанын қалпақтай түсіретін көз. Әдетте ондай адамдар бірдеңге таңырқап, не болмаса қызығып қарап, риза болып бірер ауыз сөз айтса, көз тиюге сол жетеді екен.

(далее…)

жақсы мен жаманҚұлазу сезімі әр адамның басында болатын жай. Әртүрлі себептермен адамның кейде өз-өзінен құлазып, көңілсіз, тіпті үмітсіз ойларға берілетін жағдайлары болады. Оның соңы стресс, ары қарай дами келе депрессия деген дерттерге ұрындыруы мүмкін. Сондықтан құрдымға құлататын осындай залалды – құлазу атты сезімнен аулақ болып жүрген дұрыс болады.

Құлазу – күнә

Інжілде Иса пайғамбардың құлазу сезімін адамға қатерлі күналардың бірі деп атауы тектен тек болмаса керек. Өйткені, құлазыған адам үмітсіздікке салынады, бойын күмән мен қорқыныш билейді. Ондай адам әдетте сергек ойлап, мәселені байыпты шешуге қауқарсыз.

(далее…)

тәубеБүгінде идеясы келмеске кеткен Лениннің «мемлекет дегеніміз үстем таптың төменгі тапты езуіне көмектесетін машина» деген сөзі бар. Осы кісінің «қандай мемлекет болмасын – ол күш қолдану құралы» деген анықтамасы және бар. Егер тарихқа зер салып қарасаңыз, күн көсемнің айтқан бұл сөзінің ақиқаттығына көз жеткізер едіңіз.

Мемлекет қай заманда да белгілі топтың мүддесіне қызмет еткен

Ерте замандарда патша, хан аталған билік өкілдері билік құрған кезеңдерде, онан кейінгі демократиялық қоғам орнығып, халық президент деп аталатын әміршіні сайлап қоятын кезеңде де мемлекет Ленин берген анықтамадан еш айныған емес. Яғни, ол белгілі бір топтың мүддесіне қызмет етіп, жалпы бұқараны мәжбүрлеп сол билікке көндіруге күш салды.

(далее…)

өзін жетілдіруАдам өз өмір жолын өзі жазып, тағдырын өзгерте алады дейді өзін өзі жетілдіру курсының авторы Алекс Яновский. Егер пенде өмір жолын өзгерте алатын болса, өз тағдырының қожасы болса, онда жолы болмайтын, қырсықтан көз ашпай, тағдыр тауқыметін тартып жүретін адамдар қайдан шығады?

Тағдырға мойынсұну – өзіңді құрдымға құлату деген сөз

Адамдардың көбі, әсіресе жолы болмайтын, тағдыр тауқыметіне ұшыраған жандар өз тағдырларына мойынсұнып, осылай болу әу бастан маңдайыма жазылған екен, оны енді өзгерту еш мүмкін емес, қолдан бар келері жазмышқа мойынсұнып, көну дегенді саналарына сіңіріп алады. Ондайларды өміріңді өзгертуге болады дегенге сендіру де қиын.

(далее…)

жаттығуАҚШ-тың бірнеше университетінің ғалымдары бірлесе жұмыс жүргізудің нәтижесінде күтпеген шешімге келеді. Ғалымдардың тұжырымынша, табиғи туабітті талант адамның нәтижеге жетуіне ешқандай көмегін тигізбейді екен. Нәтижеге тек үзбей ұзақ уақыт саналы тәжірибемен айналысқан адам ғана жетеді дейді ғалымдар. АҚШ ғалымдарының пайымдауынша, көп адамдар жаңа істі қолына алғанда үлкен ынтамен құлшына кіріседі де, кейін келе ынталары азайып, соған орай жұмысты да азайта түседі. Ақыр соңында олар қолға алған істерін мүлдем тастайды. Тек жүз адамның біреуі ғана ойына алған ісін тастамай, үзбей жұмыс жүргізеді. Нәтижеге жететіндер де солар дейді американдық ғалымдар.

Онжылдық ереже

Ғылыми зерттеулер көрсеткендей, тіпті өте талантты адамдардың өзі нақты нәтижеге жету үшін кем дегенде сол салада он жыл үзбей жұмыс істеуі тиіс. Зерттеушілер бұл заңдылықты «онжылдық ереже» деп атаған. Яғни, адам бір істі қолға алып, нақты нәтижеге жетуі үшін он жыл үзбей айналысуы қажет. Нәтиже аспаннан кездейсоқ түсе салмайды. Ол ұзақ және тұрақты жұмыстың нәтижесінде ғана келеді.

(далее…)

тамұқ«Алтын алма, алғыс ал, алғыс алтын емес пе» деген сөз бар қазақта. Шынында да, алтын бұл дүниеде ғана құнды зат саналатын темір болса, алғыс екі дүниеде де игілік әкелетін дін тілінде – сауап болып табылады. Дегенмен де, адамдардың көбі алғыстың адамға қанша игілік әкелетінін, ал қарғыстың қаншалықты тауқымет тарттыратынын түйсінбейді.

Алғыс арқалаған жүргізуші мен қарғыс арқалаған ұры

Жаңа жыл қарсаңында кешкілік жұмыстан қайтып келе жатып 14-ші бағытпен жүретін автобусқа міндім. Жүргізуші орысша-қазақша ағып тұрған адам екен және қу тілді болып шықты. Ол жолаушыларды жаңа жылдарымен құттықтап, жәй құттықтап қоя салмай «таныстарыңызды, туыстарыңызды мерекемен құттықтаңыздар» деп еске салумен болды. Әр аялдамада «асықпаңыздар, бір біріңізге жол беріңіздер, жастар қарттарды сыйлап, орын беріңіздер» деп көпшіліктің көңілінен шығатын жылы сөзді аяған жоқ

(далее…)

жақсы сөзҚазақта «қайғырған құдайын қарғайды» деген сөз бар. Көп адамдар өздерінің бақытсыздығына өзгелерді, тіпті болмаса Алланы айыптап жатады. Мұсмылман баласының иман келтіруінің бес шартының бірі: жақсылықтың да, жамандықтың да Алладан болатынына сену. Осыған қарап, жақсылық та, жамандық та Құдайдың еркімен болатынын түйсінуге болады. Сонда адамның басына түскен бақытсыздығы үшін Алла кінәлі ме?

Бақытсыздық – адамның жасаған әрекетінің жемісі

Марксизм деп аталатын материалистік ілімнің негізін қалаушы Маркстің «өмір дегеніміз мәңгілік қозғалыс» деген сөзі бар. Шындығында, мына фәни жалғанның негізі – қозғалыста. Адам бір сәт те әрекетсіз тұра алмайды. Ол ойша, сөз жүзінде немесе іс әрекеті арқылы үнемі әрекетте болады.

(далее…)

Яндекс.Метрика