Архив за Сен 2017 г.

хопонопоноҚарапайым төрт ауыз сөзді күн сайын кез-келген жерде қайталай жүріп, сіз өмір жолыңызды ашуға, қыр соңыңыздан қалмаған қырсықтан арылып, еңсеңізді басқан ауыртпалықтардан құтылуыңызға, түрлі дерттерден айығуыңызға болады. Тамыры тереңге кеткен ғасырлар бойы гавай халықтары пайдаланып келген осы қарапайым тәсілді бүгінгі ғылым да мойындап, тіпті бизнес, медицина салаларында пайдаланып, жақсы жетістіктерге жетіп жатқандар аз емес.

Сыйқырлы тәсілдің шығу тарихы

Хоопонопоно тәсілі гавай аралдарында тұратын аборигендердің ертеден пайдаланып келе жатқан тәсілі екен. Бұрынғы аралды мекендеген тағылардың қазіргі ұрпақтары ғылыми жетістіктерге жетіп, әлемнің дамыған елдері санатына қосылғанымен, ата-бабадан келе жатқан ескі дәстүрлі (далее…)

байлануШариғат жолымен жүріп, діни парыздарын түгел орындайтын адамдардың діни көзқараста күнə, адами көзққараста арсыздық болып саналатын  əрекеттер жасайтыны неліктен? Мұндай жайлар өкінішке орай, əр өңірден, əредік кездесіп қалады.

Зина жасаған қажы

Газет редакциясына келген елуді алқымдаған кексе əйел алпыстан асқан, қажылыққа барып келген күйеуінің арақ ішетін бір отыздағы орыс келіншегімен ашына екендігін айтып, ел-жұртқа бетін аймандай ету үшін газетке жазуды өтінді. Өз қолымен жазып əкелген хаты да бар екен.

Сол хатты алып мен имамға бардым. Намаз оқитын, мешіттен шықпайтын, немерелері бар əлгі ақсақалды ол да біледі екен. Əлгі əйел имамға да келген екен. Отбасының ішкі ісіне араласуға ешкімнің, оның ішінде мешіттің де құқы жоқ дегенді айтып, имам түсінік беруден бас тартты.

(далее…)

діни бұрмалаушылықтарФанатизм деген өте қауіпті жазылмас дерт екендігін өткен ғасырдағы ұлттық фанатизм дертімен ауырған фашистік германияның тағдыры анық көрсетіп берген еді. Арий нәсілінің ең таза қанды ұрпағы бізбіз, сондықтан барша әлемді біз билеуіміз қажет, төменгі нәсілдерді құл етіп немесе артық ауыздарын құртып жоямыз деген Гитлердің сөзіне құдайдай сенген фашистер жазықсыз миллиондардың қанын суша ағызды.

Жалпы, нәсілдік, ұлттық немесе діни фанатизм бола ма, қайсысы да оңып тұрған жоқ. Олардың бәріне ортақ қасиет – бізден артық ешкім жоқ, басқаларын таптап езу, құрту керек деген астамшылық пиғылдың болуы. Ислам дінінде де өткен ғасырдан бастау алған діни фанатизм дерті бүгінде жегі құрттай жеп, діннің негізін құртып, бейбітшілік пен қайрымдылықтан бастау алған ислам дінін қатыгездік пен тәкаппарлық, өктемдік, дөрекілік, нәпсіқұмарлық, ашкөздік сияқты жаман әдеттердің ошағына айналдырып жіберді.

(далее…)

электронды ақшаКеше ғана Ақмола облыстық ішкі істер департаментінің баспасөз қызметінен Көкшетауда тұратын бір азаматтың интернет арқылы берілген жарнамадан үй алмақ болып, 15 миллион теңгесінен айрылғаны жайындағы ақпарат алдым. Жалпы, интернет арқылы жасалатын алаяқтық күн санап өсіп және олардың қулық-сұмдықтары ақылға сыймайтындай шебер бола түскен жайы бар.

Интернетке байланған өмір

ХХІ ғасырды «ақпарат ғасыры» деп текке айтып жүрмеген сияқты. Американдық өзін-өзі жетілдіру ғылымының білгірі Брайан Трейсидің айтуынша, енді екі-үш жылдан соң ақпарат көлемі жыл санап екі еселеніп отырмақ. Яғни, ақпарат ағыны толассыз өсе бермек. Әрине, бұл ақпараттардың бәрі электрондық нұқсада болатыны белгілі.

(далее…)

тангажайыпӨмірде ақылға сыйымсыз, бүгінгі шарықтап дамыған ғылымның өзі дәлелдеуге қауқарсыз жайлар әредік кездесіп қалады. Мұндай таңғажайыптардан ғылым сырт айналып өтуге тырысқанмен, жазушылар мен журналистер ондайларды қалт жібермей, халыққа таратып отырады.

Сұр Меданның құпиясы

Американдық «Сұр Медан» атты кеменің жұмбақ оқиғасы 1947 жылдан басталады. Кеме сол жылы Малайзияға сапарға аттанады. Сол аумақта жүрген кемелер «Сұр Меданның» мүшесімін деген біреуден SOS дабылын алады. Кемедегі адам «Бәрі қаза тапты, жалғыз қалдым, қазір ол маған да жетеді» деп хабарлапты.

Дабыл белгісін алған американдық кеме барған кезде «Сұр Меданның»  мүшелері түгел қаза тапқан екен. Адамдардың жүздерінен белгісіз қорқыныш  сақталған. Ауыздары ашылып, көздері аларып кетіпті. Экипаж мүшелері  7-8 сағат бұрын өлгендеріне қарамастан, дене температурасы 40 градустан жоғары болыпты.

(далее…)

дінСанасы қасаңданған иегінің астынан әріні көрмейтін көрсоқыр дүлей атеистер болмаса, ақыл-есі түзу әрбір пенде Құдайға сенеді. Мына аса күрделі тіршіліктің өздігінен кездейсоқ жаратыла салмағанын ақылы бар әрбір пенде ұғына алады. Яғни, табиғаттан тыс бір құдіретті күштің барлығын барша әлем мойындайды. Бірақ сол құдіретті күш – Құдай туралы түсінігі шариғат жолымен жүрмейтін қарапайым пенделер түгілі, дін жолын ұстанаты, діни ілімі бар адамдардың өздерінде тым шектеулі болып келеді.

Құдай туралы діни түсінік қандай?

Ислам, христиан және иудейзм діндерінде Құдай формасы, мекені жоқ, ақылға сыйымсыз күш ретінде бейнеленеді. Шындығында, не Құранда, не Інжіл мен Тәуратта Құдай туралы, Оның сипаты жайында ешқандай мәлімет берілмеген. Содан болар, бұл дінді ұстанушылардың Алла жайындағы түсінігі өте шектеулі және бұлыңғыр. Осы түсінікке сай Құдай адамға да, ешбір тіршілік иесіне де ұқсамайтын, ешқандай тұрағы, мекені, сезімі жоқ ақылға сыйымсыз күш болып саналады.

(далее…)

жанХристиан дінінің ықпалымен болар, мұсылмандар да рейнкарнация түсінігін мойындамайды. Құранда «Өлі едіңдер тірілтті, содан кейін қайта өлтіреді, кейін тағы тірілесіңдер» деп өлу мен тірілу төрт рет қайталанып тұрса да, мұсылман теологтары өлген адамның қабір өмірінің болатындығын мойындаса да, қиямет сотына тартылып, тозаққа, не жұмаққа енген пенде сонда мәңгі қалады, қайта мына дүниеге келіп, туылмайды деп түсіндіреді.

Рейнкарнация түсінігін алып тастаудың зардабы – ол Алланың шексіздігіне күмән келтіріп, Оның құдыреттілігін төмендетеді. Енді осы жайды жан-жақты талқылап түсіндіруге тырысып көрелік.

Ислам діні де, христиан дінінің ұстанушылары да мына фәни жалғанды барша тіршілік иелерімен қоса Алла жаратты деп санайды. Олар Інжілдегі Көне өсиет пен Құрандағы тіршіліктің жаратылуы жайлы айтылған жайларды басшылыққа алып, фәни жалғанды Алла мыңдаған жылдар бұрын жоқтан бар етіп жаратты. Енді тіршілік мыңдаған жылдар тұрып, содан кейін ақыр заман болады, яғни Алланың еркімен бәрі жойылады. Содан кейін адамдар қиямет сотына тартылып, күнәсі көптер тозаққа, күнәсі аздар жұмаққа еніп, мәңгі қалады. Міне, осымен бәрі бітеді дейді.

(далее…)

ажалӨмір сүріп отырған дүниемізде барлық қол жеткен «менікі» деп аталатын игіліктеріміздің бәрінен күндердің күнінде түгел айрылуға мәжбүр боламыз. Көретін бар қызықтарымыз бен қуаныштарымыз да өткінші. Өкініштісі сол, осы ақиқатты адамдардың 99,9 пайызы мүлдем білмейді. Олар тек бастарына түскен сәтте ғана өкініп, бармақтарын тістеп қайғыдан қан жұтып жатады. Бірақ, онымен қаперсіз келген қайғыны азайта да, тауқыметін жеңілдете де алмайды.

Астам бастықтың ақыры

Осыдан алты жыл бұрын, бізбен бірге қызметтес болған кісінің лауазымы өсіп, үлкен қызметке тағайындалды. Жүзі қуаныштан бал-бұл жанған әлгі өзін сол сәтте дүниенің кілтін ұстағандай, барша әлемді табанынының астына салғандай, яки құдай да, құдайдан былай да емес сезінгендей еді. Астамси сөйлеп, сол дәрежеге өзінің данышпандығы мен қабілетінің арқасында жеткендей, өзін өзгелерден оқ бойы озық жандай сезінген оның сөздері өте ірі, көкірегі аяққаптай еді.

(далее…)

рейнкарнацияРейнкарнация немесе өлген тіршілік иесінің басқа тәнге ауысып қайта жаратылуы туралы ілім. Бұл ілім индуизм және буддизм діндерінде кең орын алады. Иудейзм дінінде ол жайында болар-болмас түсінік боглса, христиан және ислам діндері рейнкарнация құбылысын мүлдем теріске шығарады. Бүгінгі күні рейнкарнация құбылысын зерттеуге ғылым да бет бұрып, осы салада бірқатар жетістіктерге де жетіп отырған жайы бар.

Рейнкарнацияға кімдер сенеді?

Буддизм дінін ұстанатын Азия елдерінің көбінде және Индияда халықтың басым көпшілігі рейнкарнацияға шүбәсіз сенеді екен. Керісінше, атейстік және христиан, ислам дінін ұстанатын елдерде бұл көрсеткіш деңгейі өте төмен. Әлеуметтік сұрау салу қортындысына сай, Ресейде халықтың 4-7 пайызы ғана рейнкарнация құбылысына сенетіндігін білдірсе, АҚШ-та бұл көрсеткіш 55 пайызды құраған, Батыс елдерінде 25-30 пайыздың деңгейінде болған.

(далее…)

ақшаБір жалақыдан екіншісіне қарызданып-қауғаланып әзер жетіп жүретін адамдар көп және олардың бәрі дерлік бұның себебін жалақының аздығымен, бағаның қымбаттығымен түсіндіруге бейім. Шындығында әрдайым ақша тапшылығын сезінудің астарында  имандылықтың аздығы жатыр.

Мен қалай ақша тапшылығынан құтылдым

Кеңес заманында сырттай оқуға түсіп, жұмыс істей жүріп оқып білім алдым. Жалақым да жаман болған жоқ. Тегін жатақхана. Бірақ соған қарамастан, бір жалақым екінші айға әзер жетіп, үнемі ақша тапшылығын сезініп жүретінмін. Кейін оқу бітіріп, қызметке тұрған соң да ақша тапшылығынан құтыла алмадым.

Жазушылыққа бой ұрып, мықты жазушы болу үшін философ болу қажет деген американдық қаламгер Джек Лондонның сөзін жадымда ұстанған мен  пәлсапаға ден қоя бастадым. Оның ақыры Інжіл, Құран, Тәурат, кейінірек Бһагавад Гита сияқты діни кітаптарды оқуға алып келді. Сөйтіп, 1994 жылдан бастап діни пәлсапаға мықтап ден қойдым.

(далее…)

Яндекс.Метрика