Архив за Дек 2018 г.

Ақшаға ақша қосып, бақуаттылыққа қол жеткізуден кім қаша қойсын, дегенмен бұған жетуге кедергісін келтіретін біраз жайлар бар. Оның ең бастысы – адамдардың тәуекелге барудан  бас тартуы. Шындығында, кез-келген инвестиция адамнан міндетті түрде белгілі бір мөлшерде тәуекелге баруды талап  етеді. Ал тәуекелсіз инвестиция деген бұл тек алаяқтардың  өзгелерді алдап, ақшаларын алдап алу үшін жасаған ойдан шығарылған ертегісі ғана.

100 пайыз кепілдікті кім  береді?

Халық арасында «уайым түбі — теңіз, түсерсің де кетерсің, тәуекел түбі — қайық, мінерсің де өтерсің» деген нақыл сөз бар. Егер айналаңызға ақылменен ой жүгіртеп қарайтын болсаңыз, тәуекелсіз өмірдің мүлдем жоқтығын бағамдар едіңіз. Кез-келген тіршілік иесі бар өмірін үнемі тәуекелдің үстінде өткізеді.

Мәселен, сіз өзіңізді бес минуттан кейін не күтіп тұрғанын білмейсіз. Мынадай бір жағдай болды. Бір танысымның ағасы көктемде көшемен жүріп келе жатқанда басына үй шатырында салбырап ілініп тұрған мұз құлап түсіп, содан мерт болды. Үлкен мұз биіктен құлап дәл басынан соққанда ол (далее…)

«Жаңа жылды қалай қарсы алсаң, жылды солай шығарып саласың» деген түсінік бар халық арасында. Жаңа жыл кешінде арақ-шарап ішіп, шала мас болып, бір-біріне өтірік көл-көсір тілек айтып қарсы алатындар келешектен не үміт күте алады? Яғни,  жаңа жылды той-думанмен қарсы алғандар жыл бойына той-тойлап, уақыттарын босқа өткізбек.

Жақсы тілек жақсы-ау, бірақ…

Иә, жаңа жыл кешінде жұрттар бір-бірлеріне жақсы тілек айтып, құттықтап жатады. Бір қарағанда бәрі де жақсы сияқты. Жақын адамдарыңа жақсы тілек тілеудің несі жаман? Бірақ, тілек деген егер ол нақты іспен, әрекетпен жалғасын таппаса, бос сөз, яки дыбыстардың қосындысы ғана болып қалады. Ұлы Абайдың «тауға да бардым, күнде айқай салдым, одан да шықты жаңғырық» дегеніндей, жаңа жыл кешінде шарап ішіп шала мас болып отырып, ағыл-тегіл айтылған тілектер сол жаңғырық сияқты бос дыбыс болып қалады.

Әлемге танымал Напалеон Хилдің «Ақылменен ақша тап» бестселлерінде жаңа жылды қалай қарсы алған дұрыстығы айтылады. Напалеон Хилдің айтуынша, жыл айырығында тұрғанда өткен жылы атқарылған  істеріңе шолу жасап, ойыңа алған жоспарларың қаншалықты орындалғандығын бағамдау қажет.

(далее…)

Ютубте өзге әлеммен ұзақ жылдардан бері байланысып келе жатқан Виктор Коршунов туралы біршама видеолар бар. Олардың біразы кеңес заманында түсірілсе, басқалары кейінгі кезеңдерде жасалған. Коршуновтың айтуынша, ол ұзақ жылдардан бері өзге әлемнен келген келімсектермен байланыс жасайды. Келімсектердің жерде ұшатын базасы да бар көрінеді.

Пермь аномалиялық аймағы

1980-ші жылдардың соңында жариялылық лебі есе бастаған тұста ұшқыш тарелкалар, бөгде планеткалықтар, аномалиялық әртүрлі аймақтар жайында баспасөзде жазылып, телехабарлар беріле бастады.  Тіпті, өздерін жат планеталықтардың ұшқыш табақшаларына отырғызып алып кеткендігін айтып, бастан кешкендерін баянадаған адамдар да табылды. Солардың бірі – Виктор Коршунов.

Ол кезде Латвияда тұратын Виктор Коршунов бірнеше жолдастарымен бірге түрлі ұшқыш табақшалары жиі көрінетін аномалиялық аймақтардың бірі – Пермь облысына жол тартады. Еңбек демалысын алған олар аномалиялық аймақты зерттеп, жұрт арасында айтылып жүрген әңгімелердің рас-өтіріктігін анықтамақ болады. Енді оның өзіне сөз берейік.

(далее…)

Бүгін денсаулығы үшін бес теңге салуды қымбатсынған адам, ертең ауырғанда жүз теңге салуға мәжбүр болады. Десе де, «сараң екі есе төлейді» деген халық даналығын естен шығарып, денсаулықтың жайын тек ауырған кезде ғана ойлайтындар көп. Емханаға барсаң, қай уақытта да иінтіресіп кезекте тұрған адамдарды көресің. Олардың арасында егде адамдармен бірге, қылшылдаған жас қыз-жігіттер де қаптап жүреді.

Дүмбілез дәрігер, қымбат дәрі

Тәп-тәуір қызмет істейтін бір танысым біраз ауырып жатып, жұмысына шықты. Ауырып қалыпты дегенді естігенім болмаса, жақын араластығымыз болмағасын, көңілін сұрап бармаған едім. Жұмысына шыққан соң бір шаруамен кіре қалдым. Денсаулығы жайын сұрағанымда ол: «қазіргі дәрігерлер сау адамды ауру етеді екен, құдай мұны енді басқа салмасын» деді.

Әлгі кісі ауырып, Көкшетаудағы арнайы емханаға барып емделеді. Үлкен лауазымды қызмет ететін оған жеке палата беріп, білікті деген дәрігерлер ем-домын жасапты. Бірақ ауруы асқынғаны болмаса, жазылатын болмапты. Содан бір күні оның көңілін сұрап, Астанада тұратын танысы телефон шалады. Бұл жағдайын айта бастағанда ол «Астанаға кел, мен сені мықты емханаға орналастырамын» дейді.

-Содан Астанаға бардым. Ондағы дәрігерлер мүлдем басқаша диагноз қойды және басқаша ем жасады. Содан бір жетіде аяғымнан тұрып, дертімнен айықтым. Егер Көкшетауда жата берсем, өледі екенмін, -деді (далее…)

Ертеректе үлкен кісілердің аузынан жер жалпақ, көк өгіздің мүйізінің үстінде тұр, өгіз тасбақаның, ал тасбақа суда жүзген үлкен балықтың үстінде екен. Өгіз мүйізін шайқағанда жер қозғалатын көрінеді дегенді естуші едік. Кейнірек мектепке барғанда жер домалақ, ауада қалқып жүреді дегенді санамызға сіңірдік. Осы түсінікпен әлі күнге дейін өмір сүріп келеміз. Дегенмен де, кейінгі кезде көп адамдар, оның ішінде мүйіздері қарағайдай үлкен ғалымдардың аузынан жер домалақ емес, жалпақ деген пікір естіліп қалып жүр. Осының қайссы дұрыс?

АҚШ ғалымының айтқаны

Ютубте эжарияланған видеода 1957 және 1971 жылдары Антарктидаға экспедиция құрамында барған мамандығы геофизик ғалымның айтқан таңғаларлық жайы баяндалады. Өмірінің соңына дейін ол бір кезде құпияны ашпау жөнінде шартқа қол қойғандықтан, ешкімге бір ауыз сөз айтпай жүреді. Бірақ, қатерлі ісікпен ауырып, аз ғана ғұмыры қалғандығын естіген кезде, құпияны өзімен бірге о дүниеге әкетпей, жариялауға бел байлайды. Сонымен ғалым не дейді дейсіз ғой?

(далее…)

Мектептерде бүгінде өзіндік даму деген пән оқытылады, ал интернетте өзін-өзі жетілдіру тақырыбындағы бейне-дыбыстық сабақтар жетіп артылады. Соңғы кезде бұл адамдар үшін аса маңызды тақырыпқа айналды. Десе де, алдыңғы қатарлы өркениетті елдердің халқы үшін аса маңызды болып табылатын бұл мәселе қазақтар үшін оншалықты үлкен қажеттілік саналмай отырғанға ұқсайды. Өйткені, өзін-өзі жетілдіруге құлшынып, ұмтылып жүргендер аз.

Өзіндік даму адамға не береді?

Бұл сауалға нақты жауап қайтару үшін оны дәлелдеп қызылкеңірдек болудың еш қажеті жоқ. Өзіндік дамумен айналысып және соны кәсіби мамандығына айналдырған бүгінде әлемге танымал американдық Брайан Трейси, германиялық Бодо Шефер, ресейлік Алекс Яновский сияқты жандардың нақты өмірде қол жеткен жетістіктеріне назар аударсақ, бұл сауалға толыққанды жауап сол болады.

Мәселен, американдық Брайан Трейсиді алайық. Кедей отбасында туған, байлық адамдарды қанау арқылы, қылмыстық жолмен келеді деген түсінікті санасына сіңіріп өскен ол өзін-өзі (далее…)

Бәрі сатылатын қазіргі нарық заманында ақша тапшылығын әркім-ақ сезініп жүреді. Бірақ та, ақша тапшылығынан құтылудың әрекетін әркім өзінше жасайды. Ақша тапшылығынан құтылудың негізінен екі тәсілі бар: 1-сі қарыз немесе банктен кредит алу; 2-сі ақшаны үнемді пайдалануды үйреніп, қосымша табыс көздерін іске қосу.

Қарыз алу арқылы ақша тапшылығынан құтылу – ақымақтық

Қарыз алу жолымен ақша тапшылығы мәселесін түбегейлі шешемін деген түсінікті – түбі тесік шелекпен су тасу арқылы бөшкені толтырамын деген әрекетпен салыстыруға болар еді. Түбі тесік шелекпен он, тіпті жүз жыл су тасысаңыз да бөшкені толтыра алмайсыз. Өйткені, шелекпен суды бөшкеге әкелгенше, ондағы су ағып кетеді де, бұныңыз бос әурешілік болып шығады. Сол сияқты қарыз алу арқылы қаржы тапшылығын түбегейлі шешемін деу де бос әурешілік.

Менімен араласатын адамдардың көбі ақша тапшылығын қарыз немесе кредит алу арқылы шешуге тырысатын жандар. Олар сәл-пәл ақша тапшылығын сезсе, дереу таныстарын жағалап қарыз сұрауға кіріседі. Ал жалақыларын алған соң ақшаларының көбі қарызды қайтаруға кетеді де, тағы ақша тапшылығы бастарына түседі. Одан құтылу үшін тағы да қарыз алуға мәжбүр. (далее…)

Соңғы кездерде көбейіп кеткен дін атын жамылып, түрлі қылмыстық әрекеттер жасайтындардың әрекеттеріне талдау жасап, ақыл таразысына салып қарайтын болсаң, бұның бәрінің астарында кәдімгі пендешілік жаман қасиеттердің жатқанын бағамдауға болады. Мейлі, бұл әрекетті олар дін атын жамылып, қаншалықты биік ұрандармен жасасын, бәрібір пендешілік әлжуаз жаман қасиеттері көзге шыққан сүйелдей анық көрініп тұрады.

Руслан Күлекбаев – ислам діні үшін басын тәуекелге байлаған батыр ма?

Бұрын екі рет сотталған, түрмеде экстремистік пиғылдағы адамдардың уағызын санасына сіңіріп шыққан Күлекбаев тапа-тал түсте көшеде бірнеше жазықсыз жанның өмірі қиды. Ол туралы кезінде БАҚ айтып, жазды. Сондықтан, оқиғаға тоқталып жатпаймыз. Біз үшін қажеттісі – ол бұндай әрекетке неге барды деген сауалдың жауабын табу.

Сот Күлекбаевтың қылмысының аса ауырылғын ескеріп ату жазасына кесті. Бірақ еліміз бұндай жазаға мараторий жариялағандықтан, ату жазасы өмір бойы түрмеде отырумен ауыстырылған. Соттың үкімін миығынан күліп тұрып тыңдаған, өзін қарапайым пенделерден әлдеқайда биік тұрған асқақ тұлға сияқты сезінген қылмыскердің бетбейнесін мына жай аша түседі.

(далее…)

Ислам дінінің атын жамылған уағызшылардың бір бейнеролигін тыңдаған соң елігіп, сондай роликтерді іздеп жүріп көретін дәрежеге жеткен, соңында ата-ана, туыс-бауырларын тыңдамай Сирия асып  танымайтын сақалдыға тұрмысқа шығып кетпек болған бір қазақ қызының бастан кешкендері жайында қазақ тілді басылымдарда жазылды. Ол гипноздалған бейнероликтер тыңдап, соның ықпалымен еркінен тыс осындай әркетке барған екен.

Ислам неге сыйқыршылықты айыптайды

Ислам дінінде сыйқыршылық, яғни гипноз деген тозаққа түсіретін ауыр күналардың бірі болып саналады. Егер осының астарына ой жүгіртіп қарар болсақ, сыйқыршылықтың адамдарға өте үлкен залалы бар екендігін бағамдауға болады. Өйткені, гипноз арқылы адамның ақыл-есінен айырып, неше түрлі жаман нәрселерге еріксіз мәжбүрлейтін жайлар өмірде жиі кездесіп жатады.

Бір жерде тұрақтамай, үнемі көшіп-қонып  жүретін сығандардың арасында гипнозбен айналысатындар көп кездеседі. Бір ағайымыз бірде пойыздың үстінде әлгіндей сығандармен кездесіп қалыпты. Өзі аздап ішіп алған ол әлгілердің бірінің «қане, карта ойнайық» деген ұсынысына келісе кетіпті.

(далее…)

Яндекс.Метрика