Архив рубрики «Таңғажайып»

Бүгінгі күннің бейнесі: жаңа және ескі көзқарастар

«Заманына қарай адамы» демекші, әр заманда өмір кешкен адамдардың сол дәуірге тән көзқарастары мен ұстанымдары болады және ол үнемі өзгеріп отырады. Кеңес заманында адамдардың көзқарасы  қазіргіден мүлдем басқа болды және өкініштісі сол, кеңес дәуірінде өмір сүрген аға ұрпақ өкілдерінің басым көпшілігі сол ескі көзқарас пен ұстанымда қалып қойды. Олар сондай-ақ, сол өздерінің ұстанымдарын жастардың да санасына сіңіріп, соның салдарынан бұрынғыша, яғни ескіше ойлайтын, ескіше өмір сүретін жастар да қалыптасты.

Ескі көзқарас

Егер айналаңызға ақыл таразысымен байыптап қарайтын болсаңыз, адамдар көзқарастары мен ұстанымдары бойынша екі топқа жіктеліп, бір тілде сөйлеп, бір елде өмір сүргендеріне қарамастан, екі басқа әлемде тірлік кешіп жатқандығын бағамдауға болады.  Ескі көзқарастағы адамдар деген кімдер және олар қалай сөйлеп, қалай әрекет жасайды? 

Ескі көзқарас пен ұстанымдағы адамдар негізінен кеңес дәуірінде қалыптасқан көзқарастарын сақтап және оны жас ұрпақтың санасына сіңіруге әрдайым талпынып жүреді. Олардың ең басты ерекшелігі: ешқандай жауапкершілікті мойындарына алмайды, бәрін кеңес заманындағыдай партия мен үкімет шешеді деп, өз  тағдырларын түгел билікке, құзырлы органдарға, тіпті болмаса дін қызметкерлеріне артып қояды.

Прочитать остальную часть записи »

Қайта тірілген жігіт

Дәстүрлі діндердің түсінігінде өлгеннен кейінгі өмір бар, бірақ та оның қалай болатыны жайында нақты деректер жоқ. Ал материалистік ғылым адам тәні өлген соң ми жұмысының негізі саналатын санасы да мәңгіге өшіп жоғалады, яғни өлім дегеніміз мәңгіге жоғалу деп түсіндіреді. Бұл екі түсініктің екеуі де адамға қашып құтыла алмайтын ажал дегеннің не екендігі туралы жарытып білім бермейді.

О дүниеден оралған жігіт

Ертеде радио-телевидение, интернет, газет-жорнал деген жоқ кезде адамдардың арасындағы байланыс алып-қашты сөздер арқылы жасалатын. Ол негізінен «пәлен жерде пәлендей оқиға болыпты дейді» деген мағынада айтылатын және ол ақпараттың шынайы екендігіне ешкім ешқандай кепілдік бермейтін. Қазір ақпарат дамыған ғасырда жағдай мүлдем басқаша.

Интернеттің дамуы адамдардың өз бастарынан кешкен түрлі жағдайлар жайында ақпаратты жедел таратуға мүмкіндік жасады. Ол ақпарат ертедегідей «пәленше бүйдеген екен» деп оған әркім өз ойынан тағы бірдеңелерді қосып, өзгертілген түрде емес, алғашқы түпнұсқа бойынша өзгеріссіз таратылады. Сондықтан, ондай ақпаратқа сенуге болады.

Прочитать остальную часть записи »

Педофильдерге қарсы заңдарды қатайтуға не кедергі?

Өткен аптада қалың жұртшылықтың қатты шошытқан  5 жастағы бүлдіршінді айуандықпен зорлап, содан кейін алты жерінен пышақтап өлтірген Түркістан облысында болған қанды оқиғаға қатысты әлеуметтік желілерде адамдар ашу-ызаға толы өз пікірлерін айтып жатыр. Жан шошырлық бұл қылмыс жергілікті ауыл тұрғындарының ашу-ызасын келтіргені сонша олар адам бейнесіндегі айуанды (адам деп айтуға ауыз бармайды) өз қолдарымен жазаламақ болған. Дегенмен, құқық қызметкерлері мұндай жағдайға жол бермеді.

Ішкі істер министрлігінің мәліметіне сай, қазіргі күні қылмыскерлердің алдындағы ең осал топ – балалар болып отыр. Өздерін қорғауға дәрменсіз жас балалар қатыгез қылмыскерлердің құрбанына айналуда. Балаларға қатысты жыл сайын 2 мыңға тарта қылмыстар жасалады екен. Тағы бір сұмдығы, осындай қылмыстардың 70 пайыздан астамын сол жәбір көрген балалардың туыстары мен таныстары, көршілері, яғни айналасындағылар жасайтын көрінеді. Соңғы бес жылдың ішінде балаларға қатысты қылмыстар саны 40 пайызға көбейген. Сол қылмыстардың басым көпшілігі сексуалдық сипаттағы қылмыстар.

Прочитать остальную часть записи »

74 жастағы темір капсулаға қамалған адам қалай өмір сүреді

Александ 6 жасынан бастап темір құрсауға қамалды, содан бері оның өмірі темір капсуланың ішінде өтіп келеді. Темір капсула оның жасанды өкпесі, одан шықса тұншығып, тыныс ала алмай қалады. Сондықтан да, ол бар өмірін темір құрсауда өткізуге мәжбүр. Бүгінде Александрдың жасы 74-те. Осы өмірінің 68 жылын ол темір құрсаудың ішінде өткізді. Бір қарағанда оның өмірі ақылға сыйымсыз сияқты, дегенмен Александр осы тірлігіне әбден еті өліп үйреніп кеткені сонша, тағдырына еш реніші жоқ.

Қорқынышты аурудың басталуы

1952 жылы алты жастағы сәбидің бойында белгісіз дерт басталды,: температурасы көтеріліп, беті бозарып, денесі әлсіреді. Анасы оны бірден төсекке жатқызып, өзінше ем-дом жасаған болды. Дегенмен баланың денсаулығы күн санап нашарлай берді. Шақыртқан дәрігер баланы тексергеннен соң полиемиелит деген қорқынышты диагноз қойды.

Сол жылы аурудың ең күшті өршуі болды: тек АҚШ-та 52000 жағдай тіркелді. Полиомиелит вирусты тудырады, ол денеге еніп, алдымен буын мен бұлшық еттің қатты ауырсынуын тудырады. Содан кейін вирус жүйке жүйесіне еніп, сал ауруына ұшыратады. Бұл ауруды емдеп жазуға дәрігерлердің шамасы жетпейтін еді. Сондықтан осы дертпен ауырғандар сал ауруына ұшырап, болмаса дүниеден өтіп жататын.

Ол камерада оянды

Диагноз қойған дәрігер ауруханаға әлі бармай-ақ қой деп кеңес берді. Оның айтуынша, ауру қатты асқына қоймаған, инфекция жұлынға жетпей тоқтау мүмкіндігі бар. Ал ауруханада осындай дертке шалдыққан балалар өте көп еді.

Бірақ та, дәрігер қателескен болып шықты. Келесі күні Александрдың дерті қозып, бұлшық еттерінің қысып ауырғаны сонша, жан дауысымен айқайлай бастады. Оның қатты әлсірегені сонша, тіпті сөйлеуге шамасы келмеді. Осыны көрген анасы сәбиін көтеріп ауруханаға жүгірді.

Прочитать остальную часть записи »

80 жыл бойы тамақ ішпеген адам

Индияда тұратын 89 жастағы Джани Прахлад 80 жылдан бері  тамақ ішпей өмір сүріп келеді. Ол, тіпті су да ішпейді. Бұлай болуы мүмкін бе? Қазіргі ғылым адамның сусыз, тамақсыз өмір сүретініне сенімсіздікпен қарайды. Соған орай, ғалымдар Джани Прахладты бірнеше мәрте арнайы зертханада тексеруден өткізген. Бірақ, үндістандық  тамақсыз өмір кешетін азамат өзінің шынында да ештеңе ішіп-жемейтінін іс жүзінде дәлелдеген.

Бұл қасиет пе, әлде табиғи құбылыс па?

Джани Прахладтың  айтуынша, 8-9 жасқа келген шағында түсіне  индуизм дінінде фәни жалғанның иесі болып табылатын Кали тәңірия кіріп, оның тіліне қолын тигізіп, баланың бойына ерекше қуат құйған. Міне, содан бастап ол тамақ ішіп-жемейтін болған. Қызығы сол, не су ішпейтін, не тамақ жемейтін ол басқа адамдар сияқты қалыпты өмір кешуде.

Гиннестің рекордтар кітабына енген Ангус Барбьери 382 күн тамақ ішпеген екен. Оның салмағы 207 келі тартқан. Ауыр салмақтан зардап шеккен жігіт артық салмағын тастап, қалыпқа түскісі келеді. Осылайша, ішіп-жеуден тыйылады. Тек аздап су ішіп, витамин қабылдайды. Ол дәрігерлердің қатаң бақылауында болады. Сөйтіп, 382 күндік ашығудан кейін артық салмақтан арылып, қалыпқа түседі.

Прочитать остальную часть записи »

Өлімге қатысты атеистік көзқарас

Қазіргі ғылым мен техника шарықтап дамыған заманда адамдардың басым көпшілігі ғылым ұстанған материалистік көзқарасты мойындайды. Дінді басты иделогия ретінде ұстанатын жекелеген мемлекеттер болмаса, әлемнің басқа елдерінің бәрінде жалпы білім беретін мектептерде Дарвиннің эволюциялық теориясы оқытылады және жас ұрпақтың санасына құдайсыздыққа негізделген материалистік түсінік сіңірілуде. Осы түсінікке сай тіршілік кездейсоқ пайда болып, эволюциялық дамудың нәтижесінде қарапайымнан күрделіге қарай жоғары дамуды бастан өткеруде.

Прочитать остальную часть записи »

Атақ, мансап, байлық адамға игілік әкеле ме?

Мына фәни жалғанда тірлік кешкен пенделердің басым көпшілігі, тіпті, барлығы дерлік, бақыт дегеніміз – осы дүниенің байлық, мансап, атақ-даңқ сияқты игіліктеріне қол жеткізу деп санайды. Және де, сондай игіліктерге қол жеткізгендерді бақытты деп соларға қызыға қарайды, солар сияқты болсақ деп армандайды.

Енді мынаған назар аударып, ақыл көзімен қарап көріңіз: фәни жалғанның үлкен игіліктері болып саналатын мансап, атақ, байлық дегендер адамға шын мәнінде игілік емес, жаман карма жинап, күнәға батуларына, сөйтіп екі дүниенің тауқыметіне ұшырауларына әсерін тигізіп жатады екен. Енді осы мәселеге кеңірек тоқтала кетейік.

Прочитать остальную часть записи »

Пластилин адамдар

Кеңес заманында мектепте оқып жүргемізде сурет деген пәнде  жұмсақ пластелиннен түрлі бейнелер жасататын. Пластелиннен бейнелер жасау сол тұста мектеп бағдарламасына енгізілген еді. Пластелин деген жұмсақ түрлі-түсті батпақ секілді материал, оны қысып сығымдап неше түрлі формаларға келтіруге болады. Бүгінде адамдардың 90 пайызы сол пластелин материал сияқты, яғни оларды айналасындағылар өз қалауларына сай неше түрлі бейнелерге келтіріп, қалаған адамдарын жасап ала алады.

Көп айтса көнді, жұрт айтса болды…

Ұлы Абайдың өлеңіндегі «Көп айтса көнді, жұрт айтса болды, әдеті надан адамның» дегеніндей, үнемі айналасындағылардың ықпалында жүретіндер – сондай пластелин адамдар. Оларда өз пікір, ұстаным деген атымен жоқ, өз бастарымен ойлап, ештеңе шешпейді. Шынын айтқанда, бұндай адамдарда мінез деген жоқ. Бар мінезінің өзі айналасындағылардың ықпалымен қалыпасқан және үнемі өзгеріп отыратын бірдеңе.

Прочитать остальную часть записи »

Жұқпалы дерт төңірегіндегі түсініксіз жайлар

Короновирус деп аталатын жұқпалы дерттің пайда болып, әлем халықтарын үрей мен қорқынышта ұстағанына бір жарым жылдай уақыт өтіпті. Жұқпаға байланысты осы кезең ішінде неше түрлі бір-біріне қарама-қайшы пікірлер айтылып, вируслог  ғалымдар мен мамандар, саясаткерлер әлі күнге дейін бір мәмілеге келе алған жоқ.  Керісінше уақыт өткен сайын пікір қайшылықтары да шиеленісіп бара жатқандай.

Карантин шаралары неге ауруды тоқтата алмады

Жұқпалы дерт тарала бастаған сәтте дүниежүзілік денсаулық сақтау ұйымының шешімімен әлемнің барлық дерлік елдері бір мезгілде карантин жариялап, адамдарды оқшаулау шараларын қолға алды. Оның ішінде, көпшілік орындарда маска тағып жүру, қолға қолғап кию, қолды үнемі жуып жүру, ауру адамдарды жедел оқшаулау, онымен болған адамдарды медициналық тексеруден өткізу сияқты шаралар қолға алынды.

Прочитать остальную часть записи »

Алаяқтық жазылмайтын ауру

Біраз жылдардан бері мен өзін өзі дамыту ғылымымен айналысып келемін және бұл салада біршама тәжірибе мен білімім бар деп айта аламын. Сонда байқап, көңілге түйгенім: адамдардың көпшілігі ештеңе ойламай өмір ағысымен ағып, мақсатсыз, ойсыз тірлік кешеді екен. Ондай адамдардың өмірде, отбасында, жұмысында жақсы нәтижелерге жете алмайтыны өз алдына, ешқашанда тұрмысын түзеп, бақуатты да бола алмайды. Шын мәнінде, бұндай адамдардың ең басты және жалғыз жауы – өзі, яғни өзінің теріс түсінігі мен теріс әрекеттері.

Алданған мен ақымақ па, алдаған ол ақымақ па?

Таяуда маған бір бейтаныс қыз телефон соғып, студент едім  ертеңге дейін екі беттік эссе жазып берсеңіз деп сұрады. Уақытым онша бола қоймаса да, жас студент бала ғой, жаны қысылған соң хабарласып тұрған шығар деген оймен, жазып беруге келістім. Бағасын да төмендетіп, 2 мың теңге етіп қойдым. Содан бір сағаттың ішінде эссені жазып, оның поштасына жібердім. Вадсап арқылы тапсырыс орындалды, ақшаны менің каспиголдіме аударыңыз дедім. «Рахмет, қазір аударамын» деген қыз содан кейін мүлдем хабарсыз кетті.

Прочитать остальную часть записи »
Жарнама
Жарнама
Яндекс.Метрика