Архив рубрики «Өзіндік даму»

Өзін өзі дамыту деген не және ол адамға не береді?

Өзін өзі дамыту (самосовершенствование) соңғы жылдарда сәнге айнала бастаған түрі бар. Ертеректе темекі тарту, арақ ішу «мәдениеттіліктің» белгісі саналып, оқыған, көзі ашық адамдар жасайтын іс ретінде сәнге айналса, енді өзіндік даму дегенге алдыңғы қатарлы адамзаттың саналы өкілдері жете назар аудара бастағаны аңғарылады. Бұл саланың маңыздылығы сонда, адам өзін өзі дамыту арқылы ойына алған барлық мақсаттарына жетуге жол ашады.

Өзін өзі дамыту деген не?

Қазақта «қарамаса әйел, бақпаса мал кетеді» деген сөз бар. Егер адам өзін-өзі жан-жақты жетілдіріп, дамытуға көңіл бөлмесе, ол дамымайды,  кері кетеді. Адам ғана емес, барша тіршілік үшін даму – өмірлік қажеттілік. Даму тоқтаса, өмір де тоқталады. Мәселен, дүниеге жаңа келген нәресте уақыт өте келе өсіп бала, онан жігіт, сосын ересек адам болып  дамиды.

Мұндай даму хайуанға да, өсімдіккке де тән. Яғни, тіршілік дегеніміздің өзі ұдайы қозғалыс пен дамып, жетілуге негізделген құбылыс сияқты. Даму тоқталғанда кері кету, яғни тоқырау басталады.

Прочитать остальную часть записи »

Байлану – адамның басты жауы

Қылмыскерлердің арасында мынадай түсінік бар: әрбір адамның әлсіз жағы болады, сол әлсіз жері арқылы пендені айтқанға көндіріп, өз дегеніңмен жүргізу қиын емес. Ал адамның әлсіздігі – байланған  рахат алу нысаны. Осыған орай, адамның ең басты және қатерлі жауы – байлану десек, шындықтан алыс кетпейміз.

Байлану адамға бақыт әкеле ме?

Біз бала кезімізден бастап әртүрлі сезім нысандарына байланамыз. Ол ата-анамыз, туыс-бауырларымыз, сыныптас достарымыз, болмаса балмұздақ, конфет-печенье сияқты тәттілер немесе фудбол, бокс сияқты спорт ойындары бола ма, әйтеуір соған байланып, сол сезім нысандары арқылы рахат алғымыз келеді.

Бұл сезім нысандары адамға біршама рахат береді, бірақ та сол сезім нысандарын жоғалтып аламын-ау деген қауіп арқылы пендені үнемі үрей мен қорқынышқа түсіретіні де бар. Бала өсе келе байланатын сезім нысандарының саны көбейіп, ауқымы кеңи түседі. Темекі тарту, арақ-шарап ішу, құмар ойындарын ойнау, қыз-келіншектермен жақындасу сияқты болып жалғасатын сезім нысандары жасөспірімнің санасын баурап алып, оны еркінен тыс түрлі теріс әрекеттер жасауға мәжбүрлейді.

Прочитать остальную часть записи »

Жаман әдеттерді жоюдың 7 қадамы

Сонымен, егер бізде оның бар екенін байқамасақ, жаман әдеттен қалай арылуға болады? Шын мәнінде-өте қарапайым, бірақ аздап ауырлау тиюі мүмкін: бұның жайын сізбен ашық және адал болатын адамнан сұраңыз. Содан кейін сіз ұялып, өзіңізді ыңғайсыз сезінуіңіз мүмкін, бірақ елестетіп көріңіз – сіз бұл әдет туралы білмейтін едіңіз және басқалар оны сіздің бойыңызда жоқ деп ойлайды деп санайтынсыз, солай ғой? Енді бұл жөнінде батылдық танытып, сұраңыз. Сізді қызықтыратын, сізді жақсы көретін адамнан сұраңыз. Және оның сізбен өте адал болуын сұраңыз. Содан кейін  сізге айтылғанды  оң қабылдаңыз. Бұл үлкен мәселе емес, керісінше, сізде қазір өз бетіңізше жұмыс істеуге мүмкіндік бар.

Жаман әдетіңізден қалай  құтыла аласыз? Болашақ жоспардың бірнеше қызықты бөліктері бар, барлығы табиғи түрде басталады:

1. Сіз жаман әдеттен арылғыңыз келеді.

Кейбір адамдар өздерінің әдеттерінен бас тартқысы келмейді, бұл мақала олар үшін емес, яғни олар әлі жаман әдеттің теріс салдарын сезінбегендер. Сіз бұл мәселені шешу қажеттігін түйсіндіңіз, енді өзіңізге басты сұрақ қойыңыз: «Мен бұл жаман әдетті тастағым келе ме?»

Прочитать остальную часть записи »

Мақсатқа жетудің кілті

«Секрет» фильмінің авторлары визуализация, яғни оймен болашақты барлау түріндегі жаттығулар арқылы ойға алған барлық арман-мақсатқа жетуге болады деп және соны нақты мысалдар арқылы баяндайды. Мәселен, күн сайын 10-15 минут көзіңізді жұмып отырып, қиялыңыздағы өзіңіз қалаған болашақ сәулетті үйіңіз туралы ойлайтын болсаңыз және сол үйге кіріп, тұрып жатқандай сезінсеңіз, күндердің күнінде Кеңістік сіздің тілегіңізді орындап, арманыңызға жететін жолға түсіреді және мақсатыңызға жеткізеді дейді фильм авторлары. Сырт қарағанда бұл ақылға сиымсыз қиял сияқты сезілгенімен, шындығында осы тәсілді пайдаланып, арман-мақсаттарына жеткен адамдардың барлығы және біреу-екеу емес, өте көптігі оның кездейсоқ еместігін анық дәлелдейді.

«Секрет» фильмінің жалғасы шығып, онда кванттық физиканың жетістіктері негізінде бұл ақылға сиымсыздау құбылысқа ғылыми түсінік беріледі. «Бақсақ бақа екен» дегендей, бар гәп адамның ғылыми тілмен айтқанда «подсознание», яғни түйсігіне байланысты болады екен. Сіздің ойлаған арман-қиялдарыңыз түйсігіңізде жазылады да, егер ол арман-қиялды күн сайын ойша қайталап,

Прочитать остальную часть записи »

Бұл тәсілмен кез-келген мақсатқа жетуге болады

Соңғы кезде мақсатқа жету, өз өмірін жоспарлау туралы интернетте көп материалдар пайда болды және бұл салаға қызығушылар қатары да жыл санап өсіп келеді. Алдыңа нақты мақсат қойып, сол мақсатқа жетудің амал-тәсілдерін белгілеу, сол бағытта нақты әрекеттер жасау арқылы мақсатқа жетуге болатыны кім кімге де белгілі жай. Бірақ та, бұндай қиын да, күрделі істі атқаруға екінің бірінің шамасы, ерік-жігері  жете қоймайды. Сонда не істеу керек? Төмендегі ұсынылып отырған тәсіл мақсатқа жетудің қарапайым да, жеңіл және сенімді тәсілдерінің бірі болып саналады және оның шынайылығын бүгінгі ғылым да растап отыр. Сонымен…

Неміс ғалымының ашқан жаңалығы

Бір неміс ғалымы мынадай тәжірибе жасап, магнетизм деп аталатын құбылыстың ақиқаттығын тәжірибе арқылы нақты дәлелдеп берді. Ол дөңгелегі бар өздігінен жүре алатын роботты программалап үйдің ішінде белгілі бағытта жүргізеді және сол бөлмеге жаңа туған тауықтың балапанын жібереді. Анасын көрмеген балапан үшін қозғалып жүретін барлық обьект анасы сияқты көрінеді екен. Балапан әлгі робот қайда барса, қыр соңынан қалмай ілесіп, жанынан шықпайды.

Прочитать остальную часть записи »

Өміріңізді өзгертетін қарапайым тәсіл

Жасыратыны жоқ, көп адамдардың өз өмірлеріне, тұрмыс жағдайларына, жұмысына көңілдері толмайды. Олар өмірлерін өздері армандаған бағытқа қарай өзгертуді іштей қалап жүреді, бірақ та оның тәсілін, нақты жолын білмегендіктен және іштей сол ойының жүзеге асатынына күмәнданғандықтан, құдай салды, біз көндік деп өмір белгілеген таптаурын жолмен жүре береді.

Өміріңіз өз қолыңызда

«Сырттан белгілеген, өмірге келген кезде маңдайға жазып қойған тағдыр жолы болады, оны өзгерту мүмкін емес»  деген  түсінік – бұл жалқау, әлсіз адамдардың ойлап тапқан сылтауларынан басқа ештеңе емес. Шындығында, әр адам өз өмірінің қожасы және өмірін қалауынша өзгертуіне барлық мүмкіндік бар.

Прочитать остальную часть записи »

Мақсатты өмір сүрудің маңызы неде?

Жаңа жыл да келіп қалды. Жыл айырығында тұрған осынау кезеңде болашағына бей-жай қарамайтын әрбір адам «өткен жылы қандай істер атқардым, келесі жылы нендей шаруаларды тындырамын?» деп өсіне өзі есеп беріп, алдағы күндеріне ой жүгіртуі қажет. Осылай жасау арқылы адам өз өмірін бақылап, басқаруды, тағдыр жолын өзгертіп, қалаған арман-мақсаттарына жетуге күш-жігерін жұмылдыруды үйренбек.

Өзіңізге өзіңіз есеп беруді үйреніңіз

Өкініштісі сол, адамдардың 90 пайызы жыл айырығында тұрып та, басқа кездерде де ешқашан өзіне өзі есеп беріп, «не істедім, не тындырдым, қандай шаруаларды назарымнан тыс қалдырып алдым» деп ешқашан ойламайды. Ондайлардың өмірі таптаурын болған ескі сүрлеу жолмен жүретін жүргіншіге ұқсайды. Ондай жолаушылар әдетте сол жолға түскен сәтте-ақ оның қайда апаратынын, қанша қашықтыққа созылатынын жақсы біледі. Өйткені ол әбден таптаурын болған мыңдаған, миллиондаған адамдар жүріп өткен ескі жол.

Прочитать остальную часть записи »

Дәстүрлі діндерде неге зина жасауға тиым салынған?

Қасиетті Құранда зина жасау аса ауыр күнә екендігі айтылған аят бар. Інжілде де зина жасау, яғни ер мен әйелдің некеден тыс байланысы ауыр күнә болып табылады. Дәстүрлі діндердің бәрінде осындай күна жасаған әйел мен ер адамның ауыр жазаға тартылатыны діни қағида ретінде қарастырылған. Ислам, христиан діндерінде зина жасаған ер мен әйел адамға халық тас лақтырып өлтіру дәстүрі бар. Басқа діндерде де зинақорлар аяусыз жазаға тартылады. Знақорлық неге ауыр күнә болып саналады, енді осы жайына тоқталайық.

Адамды фәни дүниеге байлайтын шынжыр бұғау

Веда ілімінде мына өзіміз өмір кешіп жатқан фәни әлемді – майтхуна агаре деп атайды. Бұл ер мен әйелді жыныс жақындығына құмарттыру арқылы бір-біріне үзілмейтін берік шынжыр бұғаумен байлау деген мағынаны білдіреді екен. Шындығында, материалдық әлемге адамды ынтық қылатын ең құдыретті күш – жыныс жақындығына деген құштарлық.

Прочитать остальную часть записи »

Нәпсінің құлдары

Қазір әлеуметтік желілерде, ютуб каналында Сәтпаев қаласында болған оқиға қызу талқыланып жатыр. 75 жастағы қария 5 жастағы жас бүлдіршінді зорлаған. Көз көріп, құлақ естімеген осындай хайуандық әрекет жасаған шалды қолымызға бер деп қала тұрғындары полицияны қоршап, шу шығаруда. Педофилді халықтың қолына берсе, не істейтіні белгілі, яғни сол жерде қолын қол, бұтын бұт етіп айырып, тапап өлтірмек.

Нәпсі адамның ақыл-ойын билейді

Ислам дінінің негізін салған Мұхаммед пайғамбардың «нәпсімен күрес қиямет қайымға дейін созылады» деген хадисі бар екен. Осыған қарап, нәпсімен күреске пайғамбардың қаншалықты назар аударғанын бағамдауға болады. Жалпы, кез келген дәстүрлі дінде нәпсіні бақылауда ұстауға ерекше көңіл бөлінеді. Бұның астарында үлкен мән бар.

Прочитать остальную часть записи »

Телефонға байланған өмір

Қазір адамдардың өмірін смартфонсыз елестету қиын болып кетті. Адамдар, оның ішінде жастар қолдары сәл қалт ете қалса-ақ смартфондарын қарап, түрлі ақпараттарды оқып немесе музыка тыңдап жатады. Бүгінгі пенделердің смартфонға байланғаны соншалық, тіпті көшеде жүріп келе жатып та құлаққап киіп, смартфоннан музыка немесе басқа жаңалықтар тыңдайды. Осылайша, ақпарат ғасыры аталған өзіміз өмір сүріп жатқан заманның адамдары смартфонға байланып, онсыз өмір сүре алмайтындай дәрежеге жетіп қалғандай.

Байлану адамды құрдымға құлатады

Кез-келген сезім нысанына байлану – адамды соған тәуелді қылып, оның өмірін өзгертеді, әлгі сезім нысанынан айрылып қалар ма екенмін деген үреймен күн кешуге мәжбүрлейді. Адамның қол-аяғын байлап тәуелділікке салатын сезім нысандары айналамызда жетіп артылады: ол – сматрфон, арақ-шарап, есірткі, зина жасау, темекі тарту, ақша, байлық, мансап, ақырсында бауыр еті балаларыңыз – осылардың бәрі адамның ақыл-санасын баурап, байлап-матап тастайтын сезім нысандары.

Сезім нысандары алғашында адамға көтеріңкі көңіл күй сыйлап, рахат сезіміне бөлейді. Осындай тәтті сезімді қайта-қайта татқысы келетін пенде ақырындап сезім нысанына байлана береді де,

Прочитать остальную часть записи »
Жарнама
Жарнама
Яндекс.Метрика