Архив рубрики ‘Дін’

Кеңес заманында құдай жоқ, адам маймылдан жаратылды деген атеистік түсінікті мектептен бастап санасына берік сіңірген дінсіз ұрпақ қалыптасқан еді. Ол кезде дін жолын надан, білімсіз қарт адамдар ғана ұстанады деген түсінік бар болатын. Ал қазір жағдайдың бәрі керісінше болып тұр. Ендігі күні дінді ұстану мақтаныш, тіпті сәнге айналып бара жатқандай.

Діндар болу міндет емес, иманды болу парызың

Дін дегеніміздің өзі Жаратқан тарапынан пайғамбарлары арқылы адамзатқа берілген Құдайға құлшылық ету тәсілі. Қандай діннің болмасын ең басты МАҚСАТЫ – АДАМНЫҢ БОЙЫНА ИМАНДЫЛЫҚ ҰЯЛАТУ. Имандылық дегеніміз – бұл қайрымдылық, сабырлылық, жомарттық, кішіпейілділік, кешірімшілдік, нәпсіні тыюшылық, қанағатшылық, т.б. осындай игі қасиеттер. Соның бәрі жиналып имандылық деген Жаратқанға адамды жақындататын қасиетті құрайды.

Егер сіз діни шарттарды орындай жүріп, бойыңызға жоғарыда аталған кішіпейілділік, қайрымдылық, сабырлылық сияқты жақсы қасиеттерді орнықтыра алмасаңыз, мақтаншақ, тәкаппар, қызба, дөрекі, нәпсіқұмар болсаңыз, онда сіздің ДІНДАРЛЫҒЫҢЫЗДЫҢ ҚҰНЫ КӨК ТИЫН. Яғни, сіз түбі тесік шелекпен су тасыған әпенді сияқты ӨНБЕЙТІН ІСПЕН АЙНАЛЫСЫП ЖҮРСІЗ.

(далее…)

Алла тағала адамзатты барлық жаратылыстан абзал етіп жаратып, бір ата бір анадан өрбітіп, ұлттарға бөлуі ұлы бір хикмет. Әр ұлтқа өзіне тән тіл мен ерекешеліктер берді. Әр халықтың өзіне лайықты салт-дәстүрі, түр-түсі бар. Адамдар басқа бір ұлттың тілін үйреніп,  дәстүрі мен тұрған жерінің ерекшеліктері қызығады. Адамзатты махаббатпен жаратқан Раббымыздың өміріміздің бір қалыпты болмай сан қырлы болуы үшін қажетті бір хикметі. Алайда, адамның түр-түсі мен тілі, дәстүрі мен мекені әртүрлі болғанымен, бүкіләлемнің және барша адамзаттың жаратушысы бір Құдай.

Аллаға сансыз шүкір біз, қазақ халқы ежелден мұсылман үмбетіненбіз. Біздің елге қарай VIII-ғасырларда жорығын бастаған мұсылман әскерлерінің келуінен бастау алған Ислам діні қазақ халқы үшін 12 ғасырдың ішінде ата дініне айналды. Біздің өзіміздің кеңпейілдікке баулитын салт-дәстүріміз бен бай тіліміз, кең байтақ жеріміз бар. Шүкіршілік.

Бірақ, соңғы уақытта, жаһанданудың әсері ме, әлде халқымыздың еліктеушілік әдетінен бе, салт-санамызға да ата дінімзге де кереғар неше түрлі әрекеттер көрініс таба бастады. Көрініс тапқаны былай тұрсын, санамызға сіңіп, төрімізден орын беретін жағдайға жетіп қалдық па деп ойлайсың кейде.

Төрімізе сол күйінде шығармасақ та былыққан аяқ киімін өз қолымызбен тазалап, атын өзгертіп қабылдай беретін болып барамыз. Мұнымен айтпағымыз, қазіргі жастардың бойына дендеп кіріп, орта жасқа жақын үлкендердің өзін арбап әкетіп жатқан әртүрлі тексіз мерекелерді атап өтудің рухани зияны.

(далее…)

Кез-келген заттың немесе құбылыстың жағымды-жағымсыз, жақсы-жаман жақтары болады. Өйткені, мына фәниде барлығы екіжақты болып жаратылған. Осы тұрғыдан алғанда, дін, оның ішінде адамзат баласының негізгі бөлігі қолданып жүрген дәстүрлі діндердің де, жағымды және жағымсыз жақтары бар.

Дін адам санасын шектейді

Егер сіз кез-келген христиан дінін ұстанушыға Исус Христос құдай емес, біз сияқты адамнан жаралған пайғамбар ғана десеңіз, онда сізді кәпір атандырады. Сол сияқты сіз ислам дінін ұстанушы адамға Мұхамед пайғамбар ең соңғы пайғамбар емес, одан кейін де мыңдаған, миллиондаған пайғамбарлар болады десеңіз, ол үшін діннен шыққан кәпір болып саналасыз.

Ал, енді осы екі жайға ой қисыны негізінде назар аударып қаралықшы. Иса пайғамбар қаншалықты ғажайыптар көрсетіп, тіпті өлген адамды тірілтсе де, ол өзін ешқашан Құдаймын деп атаған жоқ. Мен христиандардың қасиетті кітабы – Інжілді ондаған рет қайталап оқыдым, сонда бір де бір жерінде Иса пайғамбардың өзін Құдаймын дегенін көрмедім. Оны қолдан Құдай жасап алған адамдардың өздері. Яғни,  бұл әлдекімдерге тиімді болған сияқты.

(далее…)

Мұсылман айтады: исламнан таза дін жоқ, басқа діндердің бәрі бұрмаланған. Христиан айтады: ең ақиқат дін – христиан діні, басқа діндегілердің бәрі теріс жолды ұстанушылар. Иудейлер, буддашылар, индустар да өз діндерін мадақтап, басқа дінді ұстанушыларды адасушылар деп санайды. Сонда қайсы дінді ұстанған дұрыс?

Сабынның қасиеті – тазартқыштық

Иә, кәдімгі сабынның ең басты және жалғыз қасиеті – ол затты немесе адам тәнін кірден тазарту. Сабын осы үшін қажет. Егер сабын тазартқыштық қасиетін жоғалтса, мысалы қанша сабындап жусаңыз да киім-кешегіңіз немесе тәніңіз тазармаса, онда сабынның қажеті бар ма? Жоқ.

Сол сияқты қанттың қасиеті – тәттілігі. Тұздың қасиеті – ащылығы. Осылайша, әрбір заттың өзіне тән қасиеті болады және сол қасиеті үшін адамдар оны пайдасына асырады. Егерде, әлгі зат өзіндегі сондай табиғи қасиетін жоғалтып алса, ол ешкімге қажетсіз болып қалмақ.

(далее…)

Қазір жастар арасында намаз оқып, мешітке баратындар қатары көбейді. Жұма намазына мешітке баратындардың көпшілігі жастар екенін көріп жүреміз. Бір қарағанда бәрі де жақсы, дұрыс сияқты. Жастарымыздың арақ ішіп, теріс жолға түспей, намаз оқып, дін исламға жүзін бұрғаны ата-ана үшін де қуаныш емес пе. Бірақ оның астарында сол жастарымызға залалын тигізетін жаман нәрсенің жатқанын онша байқай қоймаймыз.

Білімсіз дін – еліктеу ғана

Пайғамбарымызға Жәбірейіл періште арқылы түсірілген ислам дінінің қасиетті кітабы — Құранның алғашқы аятының «Оқы» деген сөзден басталуы тектен-тек емес сияқты. Яғни, қасиетті кітапты санаңмен түйсініп, оқып білу қажет деген ұғым жатқан жоқ па бұның астарында.

Егер діннен ғылыми түсінікті алып тастасаңыз, ол жалаң еліктеу болып қалады. Ал ғылымның өзі діннен бөлектенгенде тамырынан айрылған ағаш сияқты жасанды теорияға айналады. Атейстік түсініктің бәрін қазіргі ғылым ақырындап теріске шығаруда. Таяуда Түркия мемлекеті мектеп оқулығынан Дарвиннің эволюциялық теориясын алып тастады. Бұндай өзгеріс басқа елдерде де, оның ішінде біздің елімізге де күндердің күні келері анық. Өйткені, Дарвин теориясы жасанды және өмірден аулақ екенін қазір ғылымның өзі мойындап отыр.

(далее…)

Мұсылман баласы үшін қасиетті саналатын Рамазан айы да аяқталып, ораза айты басталды. Отыз күн ауыз бекіткен мұсылман бауырлар көп күнгі бейнеттерінің зейнетін көрер кез келді. Өйткені, кез-келген әрекеттің белгілі бір нәтижесі болады. Отыз күн ауыз бекітіп, жаздың қапырық ыстығында және ұзарған күн мезгілінде ораза ұстаған, сөйтіп, қиындықпен мұсылманның бір парызын өтеген жандар осы үшін қандай игілік табады?

Оразаның фәни және бақи пайдалары

Отыз күн ораза ұстау адам денсаулығына пайдалы екендігін бүгінгі медицина да растайды. Таңертеңнен кешке дейін тамақ ішіп, ұйықтар алдында да тойып жатқан адамның ағзасы түні бойы тынбай жұмыс істеп шығады. Демалысты білмейтін асқазан мен ас қорытуға жауапты адам ағзалары осылай үздіксіз жұмыстан шаршап, тозады.

Ораза кезінде асқазан мен тамақ қорытуға жауапты ағзалардың бәрі тынығып, жұмыс қабілетін арттырады. Оған қоса, адам ағзасында үнемі бөлініп тұратын сөл асқазан мен ішекті шәйіп, тазартады. Адам бойына жиналған улы заттардан тазарып, жеңілдейді. Бұның бәрі – оразаның фәни, яғни тәнімізге тигізетін пайдалары.

(далее…)

дінАтеистік идеологияны негіз етіп ұстанған кеңестік заманда «Дін – апиын» деген ұран болатын. Бұл ұран мектептерден бастап жоғары оқу орындарында, мекемелерде, тіпті көшелерде ілулі тұратын. Сол коммунистік түсінікті санаға сіңірген аға ұрпақ өкілдерінің көбі бүгінгі күні де дінді  адам санасын улайтын апиын деп санайды.

Білімсіз дін – фанатизмге әкеледі

«Дін – апиын» деген кеңестік түсінікті көп адамдар, оның ішінде жастар дінге жүзін бұрған қазіргі заманда қабылдамайтыны анық. Десе де, бұл коммунистік түсініктің астарында ащы шындық жатқанын мойындау керек. Неге десеңіз, бұл материалдық дүниеде бәрін Алла қос-қостан жаратқан, яғни әрбір заттың немесе құбылыстың екі жағы болады.

Дін адамдарды имандылыққа жетелеп, екі дүниенің игілігін әкелетін жақсы қасиеттерді бойларына сіңіруге және сондай адами ұстанымды ұстануға бастайды. Бұл – діннің бір қыры. Ал екінші қыры – егер адам діни парыздарын біліммен жасамаса, онда дін адам санасын улайтын, адастырып, алжастыратын  апиынға айналады.

(далее…)

102Ойдан шығарылған секталарды былай қойғанда, бүгінгі күні әлем халықтары ұстанып отырған негізгі бес дәстүрлі дін: ислам, христиан, иудейзм, буддизм және индуизм – бәрі де бұрмаланып, әр адам діни шарттарды өз бетінше түсінетін заман болды. Мына фәни әлемдегі уақыт соққысына шыдамай ескіріп тозатын барлық заттар сияқты дін де уақыт салдарынан тозып, ақырсында жоғалады екен.

Әйелді сабауға бола ма?

Күні кеше әлеуметтік желілерді шулатқан діни жоғары білімі бар, онан қалды докторантурада оқып жүрген ислам дінінің білгірі саналатын дін қызметкерінің «әйелді сабауға болады, тек еш жерін сындырмай, мертіктірмей ұру керек» деген сөзі жұртшылықтың көбінің ашу-ызасын туғызды. Ау, сонда Пайғамбарымыздың айтқан «жұмақ әйелдің аяғының астында» деп әйел-ананы құрметтеуге шақырған хадисі қайда?

(далее…)

жақсы мен жаманІнжілде Иса пайғамбарға пайғамбарлық қонар алдында оның қырық күн бойы шөл далада ораза ұстап, сайтанмен күрескендігі, ібілістің оны азғырып, жер дүниені көрсетіп, оның бар байлығы мен билігін беремін, маған табын дегені, бірақ Иса пайғамбардың әзәзілдің арбауына түспей, оның ұсынысынан бас тартқаны жайында әңгіме бар. Осыған қарап, сайтан мына фәни жалғанның әміршісі ме деген ойға қаласың.

Қасиетті Құранда Алла қарғысқа ұшыраған сайтанға жерге түс, саған қиямет күніне дейін мұрсат берілді, соған дейін алдауыңа еретін күнакарларды азғырасың дегені жайында аят бар. Бұдан сайтанның қиямет қайымға дейін адамдарды азғырып, күнакарлыққа тартатыны анық аңғарылады. Әрине, адамдарды азғырып, теріс жолға түсіру үшін ібілістің қызыл тілінен басқа қолында осы әрекетін жүзеге асыруға көмектесетін біршама құралдары болуы тиіс екендігі белгілі. Ондай құралдар: ақша, байлық, арақ-шарап, зинақорлық, құмар ойындары, алдау, қылмыс, ұрлық, мансап, атақ-даңқ сияқты фәни дүниенің бес күнгі қызық-шыжықтары болатыны анық. Қазір біз айналамызға ақылмен байыптап қарасақ, адамдарды арбаудың бұл құралдарының қаншалықты мүлтіксіз жұмыс жасап жатқаныдғын көрер едік.

(далее…)

дінХристиан және ислам діндеріндегі ең үлкен бұрмалаушылықтар – бұл Алланың сипаты мен тұрпатына байланысты ұғымдардан көрінеді. Христиан діні жоғарыда айтып кеткеніміздей, бір құдайды үшке бөліп, Құдай әке, Құдай ұл және Киелі рух деп өзгертіп алды. Иса пайғамбар ешқашанда өзін құдаймын демесе де, кейінгі христиандар оны құдай деп танып, Иса пайғамбарға құдайға сыйынатындай сыйынатын болды. Шіркеулерде салған суреттерге қарап, христиан дінінің өкілдерінің Құдай туралы түсініктерін түсінуге болады. Бұл суреттерде әдетте Құдай әке сақалы омырауына түскен қария кейпінде бейнеленеді. Рас, қария деген ақыл-ойы толысқан, тәжірибесі мен көрген-түйгені мол адам болып саналады. Дегенмен, қарттықтың бір қолайсыздығы – күш-қуаттың азайып, ауру-сырқау дендейтіндігі, бет-ауызды әжім басып, көркінен, тартымдылығынан айрылатындығында. Қарт адамды сұлу, кейіпті деп айта алмайсыз. Бет-аузын әжім айғыздаған, сақал-шашы әппақ қудай, көзінен жасы, мұрнынан сорасы ағып, белі еңкіш тартқан, таяқ ұстап, әудемжерге сүйретіліп әзер жететін қарттықты ешкім де жақсы деп айта алмасы анық. Ендеше, (далее…)

Яндекс.Метрика