Архив рубрики ‘Өмір-өзен’

Екеуіміз де әдебиетті шексіз сүйетінбіз. Кездесе қалсақ, жарыса өлең оқитын әдетіміз бар-ды. Мен Фаризаның, ол Ақұштаптың өлеңдерін сүйіп оқитын. Соңғы кездері қым-қуат тірліктің, беймаза күндердің құрсауынан шыға алмай мазасыз күйдемін мен де. Сондай да жанымды сөзсіз ұғатын сол құрбымды іздеймін. Сағынғаным соншалық, бүгін қолыма Ақұштап апамның кітабын алып оқып отырмын.

Көз алдымда мойылдай көзі мөлдіреп, бар ынта-шынтасымен, жан жүрегімен беріле жыр оқып отырған Қарагөз көлбеңдей берді.  Ұшы-қиыры жоқ, шешімі табылмай сананы сан ойға сансыратып, мәнсіз мәселеге толы  мазасыз, мағынасыз, бірінен-бірі аумай қалған  күндерден жүрегімді аулақ сақтап, оны жырға толтырып қойғым-ақ келеді. Апаның өлеңдерін дауыстап қатты оқыдым. Жыр менің жаныма рух беріп, көңілімді тазартып отырғандай.  Ғұмыры келте қым-қуат тірліктің жетегінен жырақ қылған, болашаққа түк пайдасы жоқ, көбік сөзден жаныңды тазартатын тылсым сырға толы жырдың қуаты, құдіреті шексіз-ау, шіркін.

Үйден шыққаным сол еді, анадайда менің Қарагөзімнен аумай қалған қазақ қызы кетіп барады. Оның да шашы ұзын. Әдетте беліне дейін төгіліп тұратын қолаңшашты Қарагөзден мына қыздың айырмашылығы шашы әлем-тапырық, ұйпа-тұйпа, ұқыпсыз жиналған екен. Жүрісі де ұқсамайды. Ал, дене бітімі, сырт келбеті (далее…)

 

Орыстың атақты жазушылары Ильф пен Петровтың «Он екі орындық» атты кітабының кейіпкері «суға кетушілерді құтқару ісі, суға кетушілердің өз ісі» демейтін бе еді. Сол сияқты бүгінгі күні өз қауіпсіздігін сақтау әр азаматтың өз ісіне айналып кеткендей. Мемлекет барлық салаларды жекешелендіріп, өз мойнынан барлық міндеттерді алып, тек салық жинаушы қызметіне ауысқан секілді.

Өзіңе өзің сақ бол

Қазақ айтады ғой «өзіңе өзің сақ бол, көршіңді ұры тұтпа» деп. Осы қағида қазіргі күні өте маңызды болып отырған жайы бар. Ақша билеген нарық жағдайында ар-ұятты ұмытқан пенделер ебін тапса ұрлық жасап, тіпті әлі жетсе тонап, болмаса алдап-арбап, әйтеуір жан қинамай біреудің есебінен олжа табуға бейім болып барады.

(далее…)

 Осыдан бернеше жыл бұрын интернетте «Көк кит» деген ойын пайда болып, соған тартылған бірнеше балалар мен жасөспірімдердің өздеріне қол салғандығы туралы БАҚ айтып, жазған болатын. Ақылы әлі толыспаған балалар мен жасөспірімдерді суицидке итермелейтін қатерлі ойын сол тұста Қазақстанның да бірқатар өңірлерінен бой көрсеткен еді. Енді міне, араға бірер жыл салып ол басқаша атпен интернет әлеміне қайта оралып отыр.

«Әлем бойынша балалар мен жасөспірімдерге қауіп төндіретін «Синий кит» сияқты Момо ойыны пайда болды және ол WhatsАpp мессенджері арқылы таралуда»,–деп жазады Baq.kz ақпарат агенттігі.

Өзге суицидтік ойындар сияқты мұнда да балаларға түрлі бұйрықтардың жинағы жіберіліп отырады екен. Егер жасөспірімдер қорқынышты ойынға қатысудан бас тартса оларға қоқан-лоққыға толы хаттар келе бастайды. Мұның барлығы «Синий кит» танымал ойынын еске түсіреді.

(далее…)

Ислам дінінде құмар ойынын үлкен күналардың қатарына жатқызатыны тектен тек болмаса керек. Өйткені, құмар ойыны адамның санасын алып, ақырындап тәуелділікке түсереді, ақырсоңында құлақкесті құлына айналдырып, туған туыстары мен таныстарынан, жалпы өмірден бездіреді. Құмар ойынының адам психикасына кері әсерін бүгінгі ғылым да растап отыр. Содан болар казино атаулыны елімізде үлкен қалалар мен елді мекендерден аулақтатып, арнайы аймақтарда, атап айтқанда: Қапшағай мен Бурабайда ғана жұмыс істеуге рұқсат етті. Десе де, құмар ойынына жатпайды деген желеумен жер-жерде букмекерлік кеңселер қаптап ашылып, тамырын тереңге жайып, жемісті жұмыс жасап жатыр.

Ұтыс үшін көп нәрсенің керегі жоқ. Спортқа деген аздаған қызығушылық пен бармақтай ғана сәттілік болса жетіп жатыр. Букмекерлік кеңселерде бәс тігу құмарлығы дәл осылай басталып, ақырындап адам санасын тәуелділіке түсіреді. Бүгінде спорттық жарыстар арқылы ақша ұтып алу мүмкіндігіне кәміл сеніп, ақшасынан да, абыройынан да, қызметі мен туыс-бауырларынан да   айырылушылар көбейді.

(далее…)

Қазақстан Мұсылмандары діни басқармасының Ақмола облысындағы өкілі, Науан хазірет мешітінің бас имамы Қуаныш Сәбит мұсылмандар үшін қасиетті мереке – Құрбан айты қарсаңында жергілікті ақпарат құралдары өкілдерімен кездесіп, баспасөз мәслихатын өткізді.

Бас имам алдымен бұл ұлық мерекенің тағылымы мен тарихы жайында айтып, мерекенің басты рәсімі – құрбан шалудың ереже-шарттары жайында әңгімеледі. Облыс орталығының тұрғындары үшін «Бижан» және «Әз» мал базарлары мал сою қызметін көрсетуді ұсынып отыр. Биыл Құрбан айт мерекесі тамыздың 21-нен басталып үш күнге созылмақшы. 20 тымыз Арафа күні. Бұл күні иісі мұсылман қауым күнұзақ тағат ибадат жасап, Алланы естеріне алулары қажет. Тағы бір айта кетерлік жай, Степногорск қаласы мен Ақсу кентінен 15 адам алтын кен орындары кәсіпорындарының қолдауымен қажылыққа тегін жолдама алыпты.

-21 тамыз күні таңертең Құрбан айты намазының алдында жамағаттың қаражатына сатып алынған пәтердің кілтін тапсыру рәсімі өтеді, -дейді бас имам. Еске сала кетейік, биылғы жаңа (далее…)

-Маған келіп кетші, -деген қысқа әмірлі дауысты Санат бірден таныды. Қалалық ішкі істер басқармасы  қылмыспен күрес бөлісмінің бастығы подполковник Орал Жақыпов бұл оқу бітіріп жұмысқа енді кіріскен дезде-ақ осы қызметте істеп жүрген еді. Ол кезде шені майор болатын. Енді подполковник. Бар өзгеріс сол ғана.

Анда-санда ғана шақыратын бастығының бұл шақырысының себебін түсіне қоймаса да, бір шұғыл іс болатынын түйсінген.  Қылмыспен күрес бөлімінде күтпеген неше түрлі істер болып жатады. Алғаш жұмыс істей бастаған кезінде бәрі де қызық көрініп, сол тұста телеарналардан жиі көрсетілетін полиция қызметкерлерінің өміріне қатысты ресейлік сериалдардың әсерімен тәтті түс көріп жүргендей сезінетін жігіт келе-келе күнделікті бітпейтін бірсарынды жұмыс әуеніне түсіп, алғашқы балаң сезімнен арылған. Кинодағы әдемі көріністердің бәрі шынайы өмірде өңін өзгертіп, мүлдем басқаша сыйпат алады екен.

Бастығының жұмыс кабинетінде ешқандай өзгеріс жоқ екен. Бәрі де сол алғаш келген кездегідей жұпыны қоңырқай қалпы. Иесі қандай болса, кабинеті де сондай сияқты. Жалт-жұлт еткен жасандылықты ұнатпайтын Орал Кәрімұлының киім киісі де, жүріс-тұрысы, отырған жұмыс бөлмесіне дейін қарапайым.

-Есіңде ме, лимонад цехының күзетшілерін өлтірген қылмыстық іс, -деді ол бұған қарап.

-Иә, -деді Санат басын изеп. Осыдан жеті жыл бұрын болған және ашылмай қалған іс туралы неге сұрағанын түсінбегендей  тағы не айтар екен деп артын баққан.

(далее…)

ID:62048978

Мемлекет басшысы Н.Назарбаев өзінің 2016 жылғы Қазақстан халқына арнаған Жолдауында таяудағы бес-он жылдың ішінде бүгінгі қолданыстағы мамандықтардың жартсына жуығының жойылып кететіндігі туралы айтқан еді. Қазақ стратегиялық зерттеу институты мамандары осы орайда  таяу болашақта жойылып кету қаупі бар бірқатар мамандықтар  жайында талдау жасап, мәселенің мәніне үңіліп зерттеу жариялапты.

Аталмыш институттың мәліметтеріне сүйенсек, қазіргі күнгі ең жоғары сұраныс туғызып отырған он мамандықтың қатарында зерттеу және дайындау жөніндегі менеджерлер, сатушы-кеңесшілер, күзет мамандары, автокөлік жөндеушілер, мал шаруашылығы мамандары, механизация саласының инженерлері, егін шаруашылығы құрылымдарының басшылары, ауыл шаруашылығы саласының жұмысшылары сияқты мамандықтар бар екен. Әзірге аса қажет мамандықтар болып отырған  олардың болашақта да қажет мамандық болып қала береді деген сенім оншалықты мол емес. Қазіргідей технология күн санап қарыштап дамып бара жатқан заманда бүгінгі аса қажет болып тұрған мамандықтың күні ертең мүлдем қажетсіз болып қалуы оп-оңай дейді сарапшылар.

Ал, енді таяу болашақта қажетсіз болып қалатын мамандықтарға келетін болсақ, аталмыш институт сарапшыларының пайымынша, қағаз-баспа өндірісі, архив-кітапхана және пошта байланысы саласы түгел дерлік жоғалмақшы. Егер зер сала қарайтын болсақ, қазірдің өзінде  интернеттің дамуына және электронды (далее…)

Баспанамен қамтылу қазір қалың көпшілікті толғандыратын аса өзекті мәселе болып тұр. Мәселен, Көкшетау қаласы әкімдігінің мәліметіне қарағанда, қалада тұрғын үй алу кезегінде 12 мыңдай адам бар. Жылына 100-ге тарта пәтер пайдалануға беріледі. Ал енді осы қарқынмен 12 мың адамды баспанамен қамту үшін қанша жыл қажет болатынын есептеп көріңіз. 120 жыл керек екен. Осыған қарап бұл бағдарламаның жүзеге аспайтынын ақыл-есі дұрыс әр адам-ақ түсінеді.

Бествей тұрғын үй кооперативі

Осыдан 4 жыл бұрын Ресейде құрылған Бествей тұрғын үй кооперативі үш жылдан бері Қазақстанда да табысты жұмыс жасап келе жатыр. Осы уақыттың ішінде жүздеген отандастарымыз төмен пйызбен кооперативтен қарыз алып, қоныс тойларын тойлады. Биылғы жылдың 21 сәуірінде Астанада өткен кооперативтің жиынында 27 адам жаңа пәтердің сертификатын алып, кооператив арқылы баспаналы болды.

Кооперативтің артықшылықтары неде?

(далее…)

 

Тәуелсіздігімізді алғаннан кейінгі жылдарда реформа қамтымаған бір де бір сала жоқ десе де, білім және медицина  ең көп реформаға ұшыраған салалар болып саналады. Сонау 90-шы жылдардың ортасындағы міндетті медициналық сақтандыру қоры құрылып, жұрттың ақшалары жинақталып, бұл сала ақырсында қазіргі заман талабына сай өзгереді деп күтіп жүргенде қор басшылығы миллиардтаған ақшаны жымқырып, шетел асып кеткені есімізде. Кеңес заманында «ақ халатты абзал жандар» деп аталатын медцина қызметкерлерінің қатарында да ұрылардың шыққаны көңілімізді жүдеткенмен, мұндай шіріген бірлі-жарым құмалақтар бір қарын майды шіріте алмас деп өзімізді жұбатқандай болғанбыз.

Міндетті медициналық сақтандыру деген нәрсе тағы да бірнеше жыл бұрын қолға алынып, қазір енді нақты жүзеге аса бастады.  Қарапайым адамдардың табан ет, маңдай терімен тапқан ақшаларының бір бөлігі әлгі қорға аударылуда. Реформа авторларының сөзіне сенсек, қор қаржысы тұралап қалған саланы дамытып, қызмет сапасын көкке көтермек. Тамаша. Сапалы қызмет алып, шекеміз шылқитын болды деп бұл саладағы былық-шылықтардан әбден қажыған жұрт тағы да елеңдесіп қалған. Әрине, енді ғана құрылып, жұмыс істей бастаған қордың қызметіне баға беруден аулақпыз. Ол уақыттың еншісіндегі шаруа. Дегенмен, дәл қазіргі медицина саласындағы қызмет сапасы жайында өз көзіммен көріп, куәсі болған жайлар жайында әңгіме етпекпін. Баяғыда, бала кезімізде мектепте оқыған Ана тілі оқулығында «Зерделі» деген әңгіме болушы еді. Соның кейіпкері: өтірік пен шынның арасы қанша? –деп сұрағанда, «төрт елі, көзбен көрген рас та, құлақпен естіген өтірік» деп жауап беретіні бар-ды. (далее…)

Қазіргі күні жасыратыны жоқ азаматтық неке деген көбейіп кетті. Батыстан бастау алған бұл жаман әдет бүгінде әлемнің барлық түкпіріне таралып жатыр. Қазақ жастарының, тіпті ата сақалдары ауыздарына түскен жасамыстарының арасында да азаматтық неке дегендер көрініс беруде. Азаматтық неке деген не және оның астарында не бар? Осы сауалға жауап іздеп көрейік.

Неке адамға жауапкершілік жүктейді

Адам баласының хайуаннан ең үлкен айырмашылығы – ерлі-зайыптылардың неке арқылы жұптасып өмір сүруінде. Ақ некенің қашан пайда болғаны белгісіз, дегенмен оның астарында ер мен әйелдің бірлесе өмір сүруін заңдастыратын және олардың мойындарына белгілі бір міндеткерліктер жүктеу арқылы бірлесе өмір сүру ережелерін сақтауға мәжбүрлейтін құқықтық түсінік жатқан секілді.

(далее…)

Яндекс.Метрика