АҚИҚАТ

«Жас кезімде бейнет бер, қартайғанда зейнет бер» деген сөз бар. Бойда қуат білекте күш бар жас күнінде адам жұмыс істеп, өзін өзі қамтамасыз етуге қабілетті. Ал қартайып, білектен күш, бойдан қуат кеткен кезде жас кезіңде жасаған бейнетіңнің зейнетін көрсең, өмірдің қызығы сол емес пе. Өкінішке орай, адамдардың бәрі бірдей солай ойлаймайды. Мәселен, шет елдік бір стаитистика орталығы жүргізген зерттеуге назар аударсақ, 25 жастағы жүз адамның 60 жасқа толғанда 49-ы мемлекетке немесе туыстарына тәуелді болып қалады екен, ал 29-ы 60 жасқа жетпей о дүниелік болса, 12-і жұмысқа жарамсыз болып қалатын көрінеді, ал 5-уі күнкөріс үшін жасы ұлғайғанына қарамастан жұмыс істей бермек, тек 4 адам ғана өз күндерін өздері көретін жағдайға жетеді, олардың 1-уі мол дәулетке ие болмақ. Осыдан көріп отырғанымыздай, 100 адамның тек біреуі ғана 60 жасқа жеткенде мол байлыққа ие болады екен. Мұның себебі неде?

Инвестиция жасауға кедергі келтіретін жайлар

Адамдардың ертеңгі өмірін ойлап, тауып жатқан қаржысының бір бөлігін инвестициялап отыруына кедергі жасайтын бірқатар жайлар бар дейді мамандар. Осы орайда, олар іс-әрекеттеріне қарап адамдарды үш топқа бөледі. Бірінші топ – шегірткелер. Бұлай деп аталуына Крыловтың белгілі «Шегіртке мен құмырсқа» мысалы себеп болса керек. Шегірткелер (далее…)

Карл Маркс коммунизм идеясын жасаймын деп оңбай қателессе де, оның «адамды тұрмыс билейді» деген сөзінің ақиқаттығын өмір үнемі дәлелдеп келеді. Тұрмысы түзу адамның еңсесі биік, көңіл күйі көтеріңкі. Ал денсаулық ең алдымен көңіл күйге байланысты болатыны белгілі. Тұрмыстың нашарлығы көңіл күйге, сол арқылы денсаулыққа кері әсерін тигізетінін осыдан аңғаруға болады.
Украинаның шығысында қанды қырғын соғыс жүріп жатыр. Ашынған адамдар қолдарына қару алып, сайланған әскерге қарсы бастарын бәйгеге тігіп, шайқасуда. Неге? Өйткені, оларды биліктің қарапайым жұрттың тұрмыс жағдайын жақсартуға ешқандай әрекет етпейтін құрғақ саясаты әбден жалықтырған.

Алдымен тұрмыс жағдайыңды ойла, содан кейін тағы да тұрмысыңа көңіл бөл.

Бала кезде үлкендердің «нанды аяғыңның астына қойып, Құранды алуға болмайды, Құранды аяғыңның астына қойып, нанды алуға болады» деген сөздерін естігін едім. Оны кім айтты, қайдан шықты – белгісіз. Бірақ осы сөздің астырында үлкен ақиқат бар.
Қазақ «ораза, намаз тоқтықта» дейді. Яғни, ораза ұстап, намаз оқу үшін ең алдымен қарның тоқ (далее…)

Адамның ең қатерлі жауы қателік емес, қорқыныш. Қателік зерделі адамды ширатады, ал зердесіз пендені ойына алған масқатынан бас тартуға мәжбүрлейді. Қателігінен сабақ алған зерделі жан адаса жүріп, мақсатына жеткізер түзу жолды іздейді және оны табады. Қиындықтар мен кедергілерді жеңген ол ақырсоңында аңсаған арман-мақсатының асқарына көтеріледі. Ал қателіктен сабақ алмаған зердесіз пенде кездескен қиындықтарға шыдамай, ойына алған шаруасын орындаудан бас тартады және санасын қорқынышқа алдырады. Қорқыныш адамды әлжуаз, дәрменсіз һәм қорғансыз етеді. Санасын үрей мен қорқыныш, күмән мен күдік билеген пенде ешқашан мақсатына жете алмақ емес және көлеңкесінен қорқып, өмірін тауқыметпен өткізеді.

Байлыққа бастар жол

Мемлекеттік немесе жеке меншік кәсіпорында жұмыс істеп жүріп, байыған бір адамды көрдіңіз бе? Қандай лауазымды қызмет атқармасын, қаншалықты жоғары жалақы алмасын, әлдекімге жалданып жұмыс істеген адам ешқашан байлыққа қол жеткізе алмайды. Роберт Киосаки (далее…)

Қазіргі нарық заманында бай-бақуатты болғысы келмейтін адам жоқ шығар. Бірақ та, барша адамның арманы болған байлық адамдарды таңдап, талғап қонатын бақ құсы сияқты жүздің, тіпті мыңның біріне ғана бұйыратын игілік сияқты. Осыдан бес мың жылдай бұрын Вавилонда өмір кешкен Бензир және Кобби деген кісілер де бай-бақуатты болсақ деп армандапты. Олар қанша бел жазбай еңбек етсе де, бірақта байлыққа қолдары жетпей, кедейшіліктен құтыла алмапты.

Вавилондық байдың құпиясы.

Бір күні Кобби көшеде алтын жалатқан әсем күймемен келе жатқан бұрынғы бала кезден бірге өскен досы Аркаданы көреді. Ол бұл жөнінде Бензирге айтып, содан олар бала күнгі достарынан байлыққа қалай қол жеткізгендігінің құпиясын білуге келеді. Аркаданың айтқан әңгімесі түрінде баяндалатын бұл кітап бүгінде бай-бақуатты болғысы келетін жандардың бастарына жастап жатып оқитын дүниесіне айналған.

Ежелгі вавилондық байшыгеш бай болу үшін көп жұмыс істеп немесе көп табыс табу міндет емес дейді. Байлықты армандап, оған қол жеткізе алмай өмірден өтетін пенделердің ең үлкен (далее…)

Кеңес заманында ақшаның да, байлықтың да еш қадір-қасиеті болған жоқ. Ол кезде ақшаға көп нәрсені сатып алуға болмайтын. Қазір ақшаға бәрін алуға болады. Сондықтан ба, бүгінгі адамдардың мінез-құлқы да кеңес заманындағы адамдардан басқаша. Ақша үшін арын, тәнін сататындар шықты. Тіпті, газеттерде өздерінің бүйректері мен бауырларын ақшаға сатамыз деген жарнамаларды да оқыдық. Осыған орай, қазіргі пенделер үшін байлық бақытқа жеткізер басты қадам деген түсінік орын алғандай.

Мақсатқа қалай жетуге болады?

Бүгінде бай-бақуатты болуды армандамайтын адам жоқ шығар. Бірақ та, байлық екінің бірінің маңдайына жазылмаған. Рас, нарыққа алғаш көшкен жылдары кездейсоқ байығандар және қолындағы биліктерін пайдаланып, қазына мүлкін ұрлау арқылы дәулетті атанғандар шықты. Дегенмен, қазір ондай жолмен байлыққа жету қиын. «Секрет» бестселлерінің авторы үйсіз қаңғыбастан миллионерге айналған Джо Виталенің айтуынша, мақсатқа жетудің құпиясы бар және (далее…)