АҚИҚАТ

«Секрет» фильмінің авторлары визуализация, яғни оймен болашақты барлау түріндегі жаттығулар арқылы ойға алған барлық арман-мақсатқа жетуге болады деп және соны нақты мысалдар арқылы баяндайды. Мәселен, күн сайын 10-15 минут көзіңізді жұмып отырып, қиялыңыздағы өзіңіз қалаған болашақ сәулетті үйіңіз туралы ойлайтын болсаңыз және сол үйге кіріп, тұрып жатқандай сезінсеңіз, күндердің күнінде Кеңістік сіздің тілегіңізді орындап, арманыңызға жететін жолға түсіреді және мақсатыңызға жеткізеді дейді фильм авторлары. Сырт қарағанда бұл ақылға сиымсыз қиял сияқты сезілгенімен, шындығында осы тәсілді пайдаланып, арман-мақсаттарына жеткен адамдардың барлығы және біреу-екеу емес, өте көптігі оның кездейсоқ еместігін анық дәлелдейді.

«Секрет» фильмінің жалғасы шығып, онда кванттық физиканың жетістіктері негізінде бұл ақылға сиымсыздау құбылысқа ғылыми түсінік беріледі. «Бақсақ бақа екен» дегендей, бар гәп адамның ғылыми тілмен айтқанда «подсознание», яғни түйсігіне байланысты болады екен. Сіздің ойлаған арман-қиялдарыңыз түйсігіңізде жазылады да, егер ол арман-қиялды күн сайын ойша қайталап,

Соңғы кезде мақсатқа жету, өз өмірін жоспарлау туралы интернетте көп материалдар пайда болды және бұл салаға қызығушылар қатары да жыл санап өсіп келеді. Алдыңа нақты мақсат қойып, сол мақсатқа жетудің амал-тәсілдерін белгілеу, сол бағытта нақты әрекеттер жасау арқылы мақсатқа жетуге болатыны кім кімге де белгілі жай. Бірақ та, бұндай қиын да, күрделі істі атқаруға екінің бірінің шамасы, ерік-жігері  жете қоймайды. Сонда не істеу керек? Төмендегі ұсынылып отырған тәсіл мақсатқа жетудің қарапайым да, жеңіл және сенімді тәсілдерінің бірі болып саналады және оның шынайылығын бүгінгі ғылым да растап отыр. Сонымен…

Неміс ғалымының ашқан жаңалығы

Бір неміс ғалымы мынадай тәжірибе жасап, магнетизм деп аталатын құбылыстың ақиқаттығын тәжірибе арқылы нақты дәлелдеп берді. Ол дөңгелегі бар өздігінен жүре алатын роботты программалап үйдің ішінде белгілі бағытта жүргізеді және сол бөлмеге жаңа туған тауықтың балапанын жібереді. Анасын көрмеген балапан үшін қозғалып жүретін барлық обьект анасы сияқты көрінеді екен. Балапан әлгі робот қайда барса, қыр соңынан қалмай ілесіп, жанынан шықпайды.

Жасыратыны жоқ, көп адамдардың өз өмірлеріне, тұрмыс жағдайларына, жұмысына көңілдері толмайды. Олар өмірлерін өздері армандаған бағытқа қарай өзгертуді іштей қалап жүреді, бірақ та оның тәсілін, нақты жолын білмегендіктен және іштей сол ойының жүзеге асатынына күмәнданғандықтан, құдай салды, біз көндік деп өмір белгілеген таптаурын жолмен жүре береді.

Өміріңіз өз қолыңызда

«Сырттан белгілеген, өмірге келген кезде маңдайға жазып қойған тағдыр жолы болады, оны өзгерту мүмкін емес»  деген  түсінік – бұл жалқау, әлсіз адамдардың ойлап тапқан сылтауларынан басқа ештеңе емес. Шындығында, әр адам өз өмірінің қожасы және өмірін қалауынша өзгертуіне барлық мүмкіндік бар.

Жаңа жыл да келіп қалды. Жыл айырығында тұрған осынау кезеңде болашағына бей-жай қарамайтын әрбір адам «өткен жылы қандай істер атқардым, келесі жылы нендей шаруаларды тындырамын?» деп өсіне өзі есеп беріп, алдағы күндеріне ой жүгіртуі қажет. Осылай жасау арқылы адам өз өмірін бақылап, басқаруды, тағдыр жолын өзгертіп, қалаған арман-мақсаттарына жетуге күш-жігерін жұмылдыруды үйренбек.

Өзіңізге өзіңіз есеп беруді үйреніңіз

Өкініштісі сол, адамдардың 90 пайызы жыл айырығында тұрып та, басқа кездерде де ешқашан өзіне өзі есеп беріп, «не істедім, не тындырдым, қандай шаруаларды назарымнан тыс қалдырып алдым» деп ешқашан ойламайды. Ондайлардың өмірі таптаурын болған ескі сүрлеу жолмен жүретін жүргіншіге ұқсайды. Ондай жолаушылар әдетте сол жолға түскен сәтте-ақ оның қайда апаратынын, қанша қашықтыққа созылатынын жақсы біледі. Өйткені ол әбден таптаурын болған мыңдаған, миллиондаған адамдар жүріп өткен ескі жол.

Қасиетті Құранда зина жасау аса ауыр күнә екендігі айтылған аят бар. Інжілде де зина жасау, яғни ер мен әйелдің некеден тыс байланысы ауыр күнә болып табылады. Дәстүрлі діндердің бәрінде осындай күна жасаған әйел мен ер адамның ауыр жазаға тартылатыны діни қағида ретінде қарастырылған. Ислам, христиан діндерінде зина жасаған ер мен әйел адамға халық тас лақтырып өлтіру дәстүрі бар. Басқа діндерде де зинақорлар аяусыз жазаға тартылады. Знақорлық неге ауыр күнә болып саналады, енді осы жайына тоқталайық.

Адамды фәни дүниеге байлайтын шынжыр бұғау

Веда ілімінде мына өзіміз өмір кешіп жатқан фәни әлемді – майтхуна агаре деп атайды. Бұл ер мен әйелді жыныс жақындығына құмарттыру арқылы бір-біріне үзілмейтін берік шынжыр бұғаумен байлау деген мағынаны білдіреді екен. Шындығында, материалдық әлемге адамды ынтық қылатын ең құдыретті күш – жыныс жақындығына деген құштарлық.

Қазір әлеуметтік желілерде, ютуб каналында Сәтпаев қаласында болған оқиға қызу талқыланып жатыр. 75 жастағы қария 5 жастағы жас бүлдіршінді зорлаған. Көз көріп, құлақ естімеген осындай хайуандық әрекет жасаған шалды қолымызға бер деп қала тұрғындары полицияны қоршап, шу шығаруда. Педофилді халықтың қолына берсе, не істейтіні белгілі, яғни сол жерде қолын қол, бұтын бұт етіп айырып, тапап өлтірмек.

Нәпсі адамның ақыл-ойын билейді

Ислам дінінің негізін салған Мұхаммед пайғамбардың «нәпсімен күрес қиямет қайымға дейін созылады» деген хадисі бар екен. Осыған қарап, нәпсімен күреске пайғамбардың қаншалықты назар аударғанын бағамдауға болады. Жалпы, кез келген дәстүрлі дінде нәпсіні бақылауда ұстауға ерекше көңіл бөлінеді. Бұның астарында үлкен мән бар.

Қазір адамдардың өмірін смартфонсыз елестету қиын болып кетті. Адамдар, оның ішінде жастар қолдары сәл қалт ете қалса-ақ смартфондарын қарап, түрлі ақпараттарды оқып немесе музыка тыңдап жатады. Бүгінгі пенделердің смартфонға байланғаны соншалық, тіпті көшеде жүріп келе жатып та құлаққап киіп, смартфоннан музыка немесе басқа жаңалықтар тыңдайды. Осылайша, ақпарат ғасыры аталған өзіміз өмір сүріп жатқан заманның адамдары смартфонға байланып, онсыз өмір сүре алмайтындай дәрежеге жетіп қалғандай.

Байлану адамды құрдымға құлатады

Кез-келген сезім нысанына байлану – адамды соған тәуелді қылып, оның өмірін өзгертеді, әлгі сезім нысанынан айрылып қалар ма екенмін деген үреймен күн кешуге мәжбүрлейді. Адамның қол-аяғын байлап тәуелділікке салатын сезім нысандары айналамызда жетіп артылады: ол – сматрфон, арақ-шарап, есірткі, зина жасау, темекі тарту, ақша, байлық, мансап, ақырсында бауыр еті балаларыңыз – осылардың бәрі адамның ақыл-санасын баурап, байлап-матап тастайтын сезім нысандары.

Сезім нысандары алғашында адамға көтеріңкі көңіл күй сыйлап, рахат сезіміне бөлейді. Осындай тәтті сезімді қайта-қайта татқысы келетін пенде ақырындап сезім нысанына байлана береді де,

Ойға алған ісі алға жылжып, еңбекте де, өмірде де жақсы нәтижелерге жетіп жүретін адамдар бар және керісінше, түрлі қиындықтар мен ауыртпалықтардан көз аша алмай, ісі алға баспай, үнемі сәтсіздіктер мен бақытсыздықтарға ұшырап жүретін пенделер де бар. Бірінші топтағыларды біз «табысты адамдар» дейміз, ал екінші топтағы жандарды қырсық шалған, жолы ашылмайтын, сәтсіздік соңынан қалмайтын адамдар деп жатамыз. Сіз осы топтың қайссындасыз? Егер алғашқы топта болсаңыз, онда мақаланы әрі қарай оқымай-ақ қойсаңыз болады. Өйткені, бұл мақала екінші топтағы жандарға арнап жазылған.

Өмір жолыңыз айқын және ашық болуы керек

Табысты адам болу үшін ең бірінші қажеттілік: өмір жолыңыз ашық және айқын болы шарт. Бұны қалай түсінуге болады? Сіз айналаңызға ақыл тоқтата байыппен барлап қарап көріңіз, адамдардың көбінің бар өмірлерін күнделікті өмір ағысымен өткізіп жатқанын бағамдайсыз. Олардың қатарында өзіңіз де барсыз.

Енді осы жайға кеңірек тоқтала кетейік. Сіз күнде сағат қоңырауымен оянып, жуынып-шайынып, таңғы тамағыңызды ішіп алып жұмысқа аттанасыз. Жұмысыңызды да үйреншікті әдетпен еш ойсыз, мақсатсыз атқарып, кеш болған соң үйіңізге ораласыз. Содан кешкі асыңызды ішкен соң біраз теледидар қарап, немесе отбасында әңгіме-дүкен құрып, түн ортасына таман ұйқыға жатасыз. Осындай бірсарынды өмір үздіксіз қаталанып отырады. Ал енді осылайша өмір ағысымен аға беру қандай нәтижеге жеткізбек? Кездейсоқ бақ қонса,

Тағдыр деген сөз барлық ұлттың тілдерінде бар және тағдыр туралы дәстүрлі діндерде де көп айтылады. Қарапайым ой қисынына салып қарасақ: егер тағдыр деген түсінік бар екен, онда тағдыр дегеннің өзі де бар болғаны ғой. Адамдардың көбі шынында да тағдырға сенеді және алдын ала белгіленіп қойған осындай өмір жолын өзгертуге болмайды деп ұғынады. Шындығында солай ма?

Тағдыр – алдын ала белгіленген өмір жолы

Енді тағдыр дегеннің өз не? Сол мәселеге жауап беретін кез келгендей. Тағдыр дегеніміз – бұл біз дүниеге келген сәттен бастап өлгенге дейінгі аралықтағы алдын ала Жаратқанның белгілеп берген өмір жолымыз. Дәстүрлі діндердің түсінігі – осындай. Жаратқан тарапынан алдын ала белгіленетіндіктен, тағдыр жолын өзгертуге болмайды деп санайды көп адамдар. Мұндай адамдар әдетте, тағдыр салды, біз көндік деген ұстаныммен, санасыз, мақсатсыз өмір сүреді.

Жалпы, дәстүрлі діндерде, оның ішінде ислам, христиан, иудей діндерінде тағдыр дегеннің болатынын мойындағанмен, ол туралы толымды түсінік бермейді. Ал, буддизм және индуизм діндерінде тағдыр туралы жан-жақты және толымды түсінік берілген. Буддашылар мен индустар «карма заңы» деп аталған адамдардың іс-әрекеттеріне орай пайда болатын заң – біздің болашақ өмір жолымызды, яғни тағдырымызды белгілейді дейді.

Алла барша әлемді, тіршілік иелерін жаратқанда әрқайссын ешкімге ұқсамайтын етіп, өз ерекшеліктерімен, қайталанбас тұлғалылығымен жаратқан. Ағаштың басында мың жапырақ болса, солардың сыртқы түрі, қиықтары, көлемі егіз тамшыдай ұқсастарын таба алмайсыз. Мың жапырақ мың түрлі. Адам да сол сияқты. Бірақ та, Алла солай жаратқан пенделер жүре келе айналасындағылардың ықпалына түсіп, өзіндік ерекшеліктерінен, бетбейнесінен айрылып қалып жатады.

Зерделі адам үшін ең үлкен қатер өлім емес

Германияны жеңген одақтастар 1946 жылы Нюрнберг қаласында фашистерге арнап үлкен сот ұйымдастырды. Гитлердің партия жұмыстары жөніндегі орынбасары болған Гесстен журналист «өлімнен қорқасыз ба?» деп сұрағанда «жоқ, мен өлімнен емес, өз бетбейнемді жоғалтып алудан қорқамын» деген жауап алады. Басынан бақайына дейін фашистік идеологиямен уланған партия көсемі үшін өлімнен гөрі, өз түсінігінен бас тартудан артық қорқыныш жоқ екен.

Бұл түсінікті қазақтың «малым жанымның, жаным арымның садағасы» деген мақалымен салыстыруға болады. Өлім адамның тәнін алса, бетбейнесінен айрылған пенде адамдық қадір-қасиетінен жұрдай болып айрылып, тірі өлікке айналмақ. Зерделі жан үшін бұдан өткен қорлық та, бақытсыздық та болмайды. Ал зердесіз пенделерге ол қалыпты жағдай болып көрінеді. Өкініштісі сол, қазір адамдардың 90 пайызы өзіндік бетбейнесінен айрылып, қалың тобырдың бөлшегіне айналған.

Тобырлық сана

Енді мынаған назарыңызды аударып қараңыз: айналадағы адамдардың көбі, тіпті барлығы дерлік өз ақыл-саналарымен емес, қоғамда қалыптасып қалған әдет-салттардың жетегімен күн кешеді. Олардың әрекеттерінің бәріне айнала қоршаған орта үнемі әсерін тигізіп отырады.