АҚИҚАТ

Інжілде Иса пайғамбарға пайғамбарлық қонар алдында оның қырық күн бойы шөл далада ораза ұстап, сайтанмен күрескендігі, ібілістің оны азғырып, жер дүниені көрсетіп, оның бар байлығы мен билігін беремін, маған табын дегені, бірақ Иса пайғамбардың әзәзілдің арбауына түспей, оның ұсынысынан бас тартқаны жайында әңгіме бар. Осыған қарап, сайтан мына фәни жалғанның әміршісі ме деген ойға қаласың.

Қасиетті Құранда Алла қарғысқа ұшыраған сайтанға жерге түс, саған қиямет күніне дейін мұрсат берілді, соған дейін алдауыңа еретін күнакарларды азғырасың дегені жайында аят бар. Бұдан сайтанның қиямет қайымға дейін адамдарды азғырып, күнакарлыққа тартатыны анық аңғарылады. Әрине, адамдарды азғырып, теріс жолға түсіру үшін ібілістің қызыл тілінен басқа қолында осы әрекетін жүзеге асыруға көмектесетін біршама құралдары болуы тиіс екендігі белгілі. Ондай құралдар: ақша, байлық, арақ-шарап, зинақорлық, құмар ойындары, алдау, қылмыс, ұрлық, мансап, атақ-даңқ сияқты фәни дүниенің бес күнгі қызық-шыжықтары болатыны анық. Қазір біз айналамызға ақылмен байыптап қарасақ, адамдарды арбаудың бұл құралдарының қаншалықты мүлтіксіз жұмыс жасап жатқаныдғын көрер едік.

(далее…)

Христиан және ислам діндеріндегі ең үлкен бұрмалаушылықтар – бұл Алланың сипаты мен тұрпатына байланысты ұғымдардан көрінеді. Христиан діні жоғарыда айтып кеткеніміздей, бір құдайды үшке бөліп, Құдай әке, Құдай ұл және Киелі рух деп өзгертіп алды. Иса пайғамбар ешқашанда өзін құдаймын демесе де, кейінгі христиандар оны құдай деп танып, Иса пайғамбарға құдайға сыйынатындай сыйынатын болды. Шіркеулерде салған суреттерге қарап, христиан дінінің өкілдерінің Құдай туралы түсініктерін түсінуге болады. Бұл суреттерде әдетте Құдай әке сақалы омырауына түскен қария кейпінде бейнеленеді. Рас, қария деген ақыл-ойы толысқан, тәжірибесі мен көрген-түйгені мол адам болып саналады. Дегенмен, қарттықтың бір қолайсыздығы – күш-қуаттың азайып, ауру-сырқау дендейтіндігі, бет-ауызды әжім басып, көркінен, тартымдылығынан айрылатындығында. Қарт адамды сұлу, кейіпті деп айта алмайсыз. Бет-аузын әжім айғыздаған, сақал-шашы әппақ қудай, көзінен жасы, мұрнынан сорасы ағып, белі еңкіш тартқан, таяқ ұстап, әудемжерге сүйретіліп әзер жететін қарттықты ешкім де жақсы деп айта алмасы анық. Ендеше, (далее…)

Христиан және ислам діні өкілдерінің түсінігіндегі тағы бір бұрмалаушылық – бұл адамнан басқа тіршілік иелерінің жаны жоқ деген түсінік. Жаны жоқ болса, жан-жануарлар, аңдар, құстар қалай жүріп-тұрады, ұшады, тіршілік етеді? Жан дегеніміздің өзі не? Жалпы, бұл туралы Інжілде,  Құранда не айтылған? Інжілде жан туралы бір ауыз сөз айтылмайды, ал Құранда жалыз ғана  аят бар, онда: «Мұхамед (с.ғ.с) адамдар сеннен жан (рух) туралы сұрайды. Оларға айт: Бұл Алланың әмірінен, ол туралы сендерге кемшін ілім берілді де» деп айтылған. Осыдан көріп отырғанымыздай, ислам діні өкілдерінің үзілді-кесілді  жан-жануарлардың жаны жоқ деп түсіндіруінің еш негізі жоқ. Өйткені, мұсылмандарға да, христиандарға да жан туралы толымды ілім берілмеген. Сонда олардың жан туралы осылай өз беттерінше тұжырым жасауына не себеп?

Енді рейнкарнацияны мойындайтын индуизм діні өкілдерінің түсінігіне назар аударып көрелік. Онда адамдар өлген соң жасаған күналары себепті келесі өмірінде иттің, не мысықтың тәнін алуы мүмкін дейді. Онан әрі пенде эволюциялық даму жолымен басқа да түрлі жануарларға (далее…)

Дінді ұстанып, діни шарттар мен парыздарын орындап жүретін адамды жұрт діндар немесе тақуа адам деп санайды. Ал енді сондай діндар адам, яғни діни парыздарын орындап, шариғат жолымен жүріп жүрген жанның бойынан басқа жұрт өзі ұстанатын дін талаптарына сай жақсы және жағымды қасиеттердің  болуын күтеді. Өкінішке орай, қазіргі күні дін жолын ұстанатын пенделердің бойынан жұрт күткен қасиеттер табылмайтыны өз алдына, керісінше жаман қасиеттер жария болып жататын жайлар жиі кездесетін болып барады.

Діндар адам және зинақорлық

Тақуалық пен зинақорлық от пен су сияқты бір адамның бойына сыймайтын кереғар құбылыстар. Егер сондай жаман әдет, яғни зинақорлық діндар адамның бойынан табылып жатса, оның діндар екендігі жалған болып шығады. Өйткені, діни парыздарын орындаған, жүрегіне иман ұялаған адам ешқашан шариғатқа қайшы келетін және күна саналатын теріс әрекетке бармайды.

(далее…)

Фанатизм деген өте қауіпті жазылмас дерт екендігін өткен ғасырдағы ұлттық фанатизм дертімен ауырған фашистік германияның тағдыры анық көрсетіп берген еді. Арий нәсілінің ең таза қанды ұрпағы бізбіз, сондықтан барша әлемді біз билеуіміз қажет, төменгі нәсілдерді құл етіп немесе артық ауыздарын құртып жоямыз деген Гитлердің сөзіне құдайдай сенген фашистер жазықсыз миллиондардың қанын суша ағызды.

Жалпы, нәсілдік, ұлттық немесе діни фанатизм бола ма, қайсысы да оңып тұрған жоқ. Олардың бәріне ортақ қасиет – бізден артық ешкім жоқ, басқаларын таптап езу, құрту керек деген астамшылық пиғылдың болуы. Ислам дінінде де өткен ғасырдан бастау алған діни фанатизм дерті бүгінде жегі құрттай жеп, діннің негізін құртып, бейбітшілік пен қайрымдылықтан бастау алған ислам дінін қатыгездік пен тәкаппарлық, өктемдік, дөрекілік, нәпсіқұмарлық, ашкөздік сияқты жаман әдеттердің ошағына айналдырып жіберді.

(далее…)

Христиан дінінің ықпалымен болар, мұсылмандар да рейнкарнация түсінігін мойындамайды. Құранда «Өлі едіңдер тірілтті, содан кейін қайта өлтіреді, кейін тағы тірілесіңдер» деп өлу мен тірілу төрт рет қайталанып тұрса да, мұсылман теологтары өлген адамның қабір өмірінің болатындығын мойындаса да, қиямет сотына тартылып, тозаққа, не жұмаққа енген пенде сонда мәңгі қалады, қайта мына дүниеге келіп, туылмайды деп түсіндіреді.

Рейнкарнация түсінігін алып тастаудың зардабы – ол Алланың шексіздігіне күмән келтіріп, Оның құдыреттілігін төмендетеді. Енді осы жайды жан-жақты талқылап түсіндіруге тырысып көрелік.

Ислам діні де, христиан дінінің ұстанушылары да мына фәни жалғанды барша тіршілік иелерімен қоса Алла жаратты деп санайды. Олар Інжілдегі Көне өсиет пен Құрандағы тіршіліктің жаратылуы жайлы айтылған жайларды басшылыққа алып, фәни жалғанды Алла мыңдаған жылдар бұрын жоқтан бар етіп жаратты. Енді тіршілік мыңдаған жылдар тұрып, содан кейін ақыр заман болады, яғни Алланың еркімен бәрі жойылады. Содан кейін адамдар қиямет сотына тартылып, күнәсі көптер тозаққа, күнәсі аздар жұмаққа еніп, мәңгі қалады. Міне, осымен бәрі бітеді дейді.

(далее…)

Дерек көздеріне назар аударып қарасақ, қазіргі күні христиан дінінде үш мыңға тарта ағымдар бар екен.  Яғни, христиан діні сонша ағымдарға жіктеліп кеткен. Сорақылығы сол, бұл ағымдардың арасында негізгі христиан ағымдарын мүлдем мойындамайтын және осы дінге онша сәйкес келмейтін жоралғыларды жасайтындары да кездеседі. Олардың кейбіреулері тіпті, христиандардың басты қасиетті кітабы – Інжілді де өз қалауларынша өзгертіп, басқа нұсқасын шығарып алған.

Мәселен, Иегов куәгерлері деген әлемнің барлық елдеріне кең таралған христиан ағымы Інжілді өз талаптарына сай өзгертіп, басқа нұсқасын жасап алған. Бұл ұйым назар салып қарасаң, діни ұйымнан гөрі, ақша табуға негізделген бизнес компания сияқты әсер қалдырады. Олардың миллиондаған дана болып шығатын «Күзет мұнарасы» деген журналын қоғам мүшелері үй-үйді жағалап жүріп таратады. Иегов куәгерлері күн сайын бірнеше адамға уағыз айтып, сол жайында есеп беріп отруы тиіс екен. Бұл қоғамның мүшелері қан тапсырмайды, жас жігіттері әскерге  бармайды. Христиан дініндегі өлгеннен кейін адамдар қиямет қайымда қайта тіріледі, күнакарларға сот болады деген тұжырымды Иегов куәгерлері бұрмалап, өз беттерінше түсіндіреді. Олардың түсінігі бойынша, Қайрымды құдай қияметте адамдардың бәрін тірілтіп, (далее…)

Бүгін ютубтан өзін аура руса деп атаған біреудің дін мен сенім жайындағы бейнебаянын тыңдадым. Оның  ұстанымында көкейге қонатын біраз шындық бар секілді. Ойдан шығарылған діни ағымдарды былай қойғанда, барша адамзат ұстанатын бес дәстүрлі дін: христиан, ислам, иудей, буддизм және индуизм діндерінде сенім мен дін екі бөлек қарастырылады. Дәстүрлі діндердің уақыт өте келе бұрмаланып, бөлшектенуінің ең басты және негізгі себебі де осында сияқты.

Дін – Жаратқанның заңдары

Егер ақылмен жан-жағыңызға байыптап қарайтын болсаңыз, мына әлемнің әміршісі – заң екендігіне көзіңіз жетер еді. Күн мен түннің, жыл мезгілдерінің ауысуы, жан-жануарлар, өсімдіктер мен адамдардың тірлігі, мемлекеттердің өмір сүруі – бәрі белгілі бір заңдар арқылы жүзеге асуда. Бұл заңдардың авторы, яғни иесі кім? Алла. Ендеше, дін де Алланың адамдарға арнаған заңдары. Бұл заңның табиғат заңдарынан ерекшелігі – онда саналы адамдардың (далее…)

Феодализмнің орнына келген капиталистік қоғам билік басындағы ақсүйектерді де, шіркеуді де ығыстырып, ақша билеген  тексіз қоғамды билік басына әкелді. Нарық барша әлем халықтарын мидай араластырып, материалистік түсініккке негізделген ғылымды бірінші орынға шығарды. Шіркеудің құлдыраған беделі онан әрі түсіп, христиан елдері арасында атеистік, яғни құдайсыздық түсінік белең алды.  Дарвиннің эволюциялық теориясы дінге аса ауыр соққы болып тиді. Ол өзінің теориясында тіршілік кездейсоқ пайда болып, тіршілік үшін күрестің негізінде қарапайымнан күрделіге қарай эволюциялық жолмен дамыған деп тұжырымдаған еді. Бұл ғылыми түсінік енді барлық мектептерде, оқу орындарында оқытылып, дінді онан әрі қоғамнан ығыстыра түсті.

1960-шы жылдардың ортасында АҚШ-қа вайшнавизмді насихаттау үшін барған үнді теологы Шрила Прабхупада өзінің кітабында католик шіркеулерінің қаңырап босап қалғандығын, оған ешкім бармайтындығын, даңғарадай ғимаратты ұстау қиын болғандықтан шіркеулерді арзан бағаға сату жаппай белең алғандығын жазады. Мұндай жағдай Батыс елдерінің бәрінде орын алды. Орта ғасырларда қаптап салынған зәулім шіркеулер адам бармай қаңырап босап қалды. (далее…)

Ертедегі бір ғұламаның «адам уақыттан, уақыт пирамидадан қорқады» деген сөзі бар екен. Мыңдаған жылдардан бері күннің аптап ыстығына, желдің өтіне, жауын-шашынға төтеп беріп, шөл далада қасқайып тұрған пирамида мәңгілік деп ойласа керек, әлгі ғұлама. Бірақ та, Египет пирамидасының қазіргі кейпіне қарап, уақыттың пирамиданы да езіп, мүжіп, шөктіріп бара жатқанын бағамдау  қиын емес. Таулар мүжіліп құмға, теңіздер тартылып батпаққа айналатындығы, мемлекеттер де, адамзаттың түгел бір нәсілдері де жер бетінен құрып жоғалып жататыны тарихтан мағлұм.

Ендеше, осылардың бәріне қарап, мынадай тұжырым жасауға болар еді: мына фәни жалғанда бәрі де өткінші, бәрі ескіреді, тозады, ақырсында құрып жойылады. Бұл – өзіміз ғұмыр кешіп жатқан фәни әлемнің айнымас заңы. Бұл заң тек өлі, тірі табиғатқа ғана қатысты емес, ол сондай-ақ, ғылым-білімге, оның ішінде дінге де қатысты.

Егер қасиетті Құранға ой жүгіртіп қарар болсаңыз, жер бетіндегі көптеген нәсілдердің болғандығын, олардың күнакарлыққа салынуы себепті Алланың қаһарына ұшырап, опат (далее…)