АҚИҚАТ

Қазақта «өзің диуанасың, кімге пір боласың?» деген сөз бар. Ертеректе сопылардың арасында тәкаппарлықтан арылып, кішіпейілді болу, өзін әрдайым Алланың құлы сезіну үшін ерікті түрде қайыршы болып, үй жағалап диуаналық ету жағдайлары кездескен. Міне, сондай қайыршылық күйге түсіп, диуана болған адамның шәкірт алып, ұстаз болуы, біреуге білім беруі жарасымсыз деген мағынада айтылған сөз бұл.

Дін ілімі адамды өзгертеді

Дін тақырыбында біраз кітаптар жазып, діни пәлсапаны зерттеп, өзімше ізденіп жүргеніме міне, жиырма жылдан асыпты. Бір кезде арақ ішіп, нәпсінің жетегіне де ергенмін, мансап, атақ, байлық деген пендешілік игіліктерге қызығып, соған еліккен жайларым аз болмаған. Дегенмен, діни пәлсапаға бой ұрып, ілім-білімге үйір болған соң-ақ жаман әдеттерден арыла бастадым.

Қазір біреу қол-аяғымды байлап аузыма арақ құймаса өздігімнен арақ ішпеймін. Зинадан да аулақпын. Мансап, атақ-даңқ, байлық деген де онша қызықтыра қомайтын болды. Бұның бәрі діни ілім арқылы келген өзгерістер екенін іштей сеземін.

(далее…)

Назар аударып қарасаңыз, өзіміз өмір сүріп жатқан мына фәни жалғанның қарама-қарсы екі жұптан тұратынын бағамдаймыз. Жақсылық-жамандық, қуаныш-қайғы, қыс-жаз, әділдік-әділетсіздік сияқтанып барлық құбылыстар жұптасқан. Сол сияқты, әрнәрсенің жақсы және жаман жақтары болады.

Діннің екі жағы

Қылмыскердің қолындағы пышақ айналасындағыларға қатер төндіретін суық қару болса, дәрігердің қолындағы дәл сондай пышақ адам өмірін құтқаратын медициналық құрал болып табылады. Сол сияқты, дін де адал ниетті тақуа адам үшін жүрегіне имандылық ұялатып, айналасындағыларға жақсылық жасататын, екі дүниенің де игілігіне кенелтер құдыретті күш болса, күнәкар  үшін жүрегін қатайтып, көзін надандық шелімен қаптап көрсоқыр ететін, айналасындағыларға да, өзіне де үлкен залалын тигізіп, екі дүниенің қарғысына ұшыратар теріс қадам болып саналады.

(далее…)

Дәстүрлі діндердің көбінде, әсіресе ислам, христиан және иудей діндерінде оны ұстанушылар дінді ешқашан өзгермейтін, мәңгілік және бәрінен жоғары тұрған құбылыс ретінде қабылдайды. Шындығында, дін – бұл Аллаға құлшылық етудің әдістемесі іспетті. Ол әдістеме адамдардың интелектуалдық деңгейіне, салт-дәстүрі мен ұстанымдарына сай әр заманда өзгеріп отырады.

Діни шарттар не үшін орындалады?

Кез келген мұсылманнан «дін мәңгілік пе?» деп сұрасаңыз «әлбетте, солай» деп жауап береді. Осылайша, қазіргі ислам дінін ұстанушылар дінді Алладан да биік қойып, Аллаған құлшылық етудің орнына ДІНИ ШАРТТАРАҒА ҚҰЛШЫЛЫҚ етіп жүр. Олар үшін ең бастысы – діни парыздарды орындау. Оны КІМ ҮШІН, НЕ СЕБЕПТІ орындап жатқандарымен еш шаруалары жоқ.

(далее…)

Мұсылман баласының бс парызының бірі саналатын күніне бес мәрте намаз оқу әлбетте адамға сауап әкелмек. Намаз дегеніміздің өзі Аллаға құлшылық. Ал Жаратқанға құлшылық қылу сауап әкелетіні даусыз. Десек те, құлшылықтың бәрі бірдей адамға сауап әкеле бермейді. Керісінше, күнакарлықтың құрдымына құлататын құлшылықтар да бар.

Намазды молда теріс оқыр

Ақын Сұлтанмахмұт Торайғыровтың «Намазды молда теріс оқыр, дағарадай болып сәлдесі» деп басталатын өлеңі бар. Намазды теріс оқу деген не?  Намазды адам бар зейінімен беріле оқып, бұл Аллаға құлшылық екенін есінен шығармауы тиіс. Ал зейінсіз оқыған, намаз үстінде басқа жайларды ойлап, болмаса жан-жағына қарап, көңілін намазға аудармау – бұның бәрі зейінсіздік болып табылады.

(далее…)

Білім жарық нұр сияқты, ал надандық қараңғы түнек іспетті. Қараңғыда жүрген адам әлдебір шұңқырға түсіп кетемін бе немесе басымды жартасқа соғып аламын ба деп үнемі қорқынышта жүреді және ештеңе көрінбейтіндіктен, шынында да қадам басқан сайын әлденеге соғылып, қатерге ұшырап жатады. Ал жарықта жүрген жан айналасының бәрін алақанға салғандай көріп тұратындықтан, еш қатерсіз еркін жүреді. Білімді мен білімсіздің халі де дәл осыған ұқсас болады.

Толық білім деген не?

Айналасын сипаланып жүріп танитын соқыр сияқты қазіргі материалистік білім де шегі, шеті жоқ табиғатты зерттеу арқылы ақылмен танығылары келеді. Бұның өзі толайым қате жол, сондықтан матриалист ғалым ешқашан толымды білімге (далее…)

Дәстүрлі діндердің бәрінде адамзаттың қас жауы аталатын – сайтан түр-түсі қорқынышты құбыжық бейнелі тіршілік иесі бейнесінде сипатталады. Көзге көрінбегесін жұрт сайтанның бар-жоғына да мән бермейді. Шындығында, күнделікті өмірімізде біз сайтанмен үнемі кездесіп, қоян-қолтық араласып жүреміз. Сұмдығы сол, үнемі солардың арбауына түсіп қалып жатамыз. Бірақ, адамдардың көбі сайтанның бар-жоқтығына мән бермейтіні сияқты, олардың арбауына түсу дегенге де пысқырмайды.

Адамдар неге ақымақтық жасайды

Ақымақ болғысы келетін пенде бар ма? Жоқ. Бірақ адамдардың көбі күнделікті тірліктерінде жиі-жиі ақымақшылық жасап жатады. Біз оны жұмсартып «қателік» деп атаймыз. Шындығында ол – ақымақшылық. Ал ақымақтық сайтанның (далее…)

Дәл қасиетті рамазан айы басталар тұста Ақтөбеде жазықсыз адамдардың қанын төккен сәлафилердің әрекеті  қарапайым халықты ғана емес, құзырлы органдарды да қатты әбігерге түсірген еді. Сәлафи ағымын ұстанатын жас жігіттердің бұндай қадамға баруына саналарын улаған теріс түсініктің әсер еткені даусыз. Ал ондай түсінік қайдан, қалай келді?

Сәлафилік насихат

Таяуда Ақмола облыстық дін істері жөніндегі басқармасы діни насихаттың бүге-шігесіне дейін талдап, зерттеген сарапшылармен кездесу өткізді. Әлгі жап-жас сарапшы жігіттер сәлафиліктердің адамдарды қалай аздырып, (далее…)

Кеңес заманында адамдардың 99 пайызы дінсіз – атеис еді. Ал қазір жағдай керісінше. Осыған қарап, діндарлар саны көбейіп кеткен екен деген ой тууы мүмкін. Шындығында, жағдай басқаша. Дәстүрлі діндердің бірін ұстанып, өздерін діндармын деп санайтындардың бәрі бірдей имандылық жолында жүрген тақуа емес.

Дін – адамды имандылыққа түсіретін жол

Таяуда бір танысым қоярда-қоймай ауыз ашарға шақырды. Шынын айтқанда, өзім ораза ұстамағандықтан, ауыз ашарға бара қомаймын. Өйткені, ауыз ашар өте кеш беріледі, сондықтан кеш жатуға тура келеді. Ал менің өзіме белгілеп алған күн тәртібім бойынша кешкі сағат 10-нан кешікпей ұйқыға жатамын, таңертең 4,30-да оянамын. Ал ауыз ашарға (далее…)

Осыдан мың жарым жылдан астам бұрын Мұхаммед пайғамбар арқылы әуелі пышырап жүрген араб тайпаларының арасына таралып, кейін дін арқылы бастары қосылған жауынгер бәдәуилер арқылы жарты әлемге жайылған ислам діні  мәңгілік дін бе? Жалпы, мына фәни жалғанда мәңгілік не бар? Айналаңызға ақылмен ой сала қаарсаңыз, бәрінің өткінші жалған екендігін түйсінесіз. Бір кезде рим тарихшылары мен ақындары «Мәңгілік қала» деп атаған көне Рим қирандысы бүгінгі  батыстық сәулетпен салынған Римнің табанының астында көміліп жатыр. Оның қандай қала болғандығын біз білмейміз. Сол сияқты енді мың, он мың, миллион жылдан кейін ислам діні бола ма?

КСРО-ны қиратқан кімдер?

«Мызғымас елдердің мәңгілік одағы» деп елұранында шырқаған КСРО бүгінде келмеске кетті. Ал бір кезде бәріміз ол мәңгі өмір сүретіндей, мәңгі тұра беретіндей көретін едік. КСРО неге қирады?

(далее…)

Мұсылмандар үшін қасиетті ай саналатын Рамазан айы басталар тұста Ақтөбеде орын алған лаңкестік оқиға барша қазақстандықтарды күйзелткені шындық. Өйткені, көптеген жазықсыз жандардың қаны төгілді. Ал қолдарына қару алып, қасиетті айдың қарсаңында қан төккендердің өздерін «мұсылманбыз»  және бұл әрекеттерін «кәпірлерге қарсы күрес» деп санайтындықтары ақылға қонбайтын жай. Өзге дінді ұстанушыларды былай қойғанда, өздерінің ұстанымдарымен келіспейтін мұсылмандарды да «кәпірлер» тобына кіргізіп қоятын әсіре діншіл – уахабшылар деген кімдер, олардың көздегені не және сондай теріс жолға түскендерді райынан қайтару үшін не істеу қажет деген мәселелер төңірегінде Ш.Уәлиханов атындағы Көкшетау мемлекеттік университетінің аға оқытушысы, профессор, дінтанушы Ғалымтай Төлепбергенмен ой бөліскен едік.

-Уахабшылар деп аталатын, кейде сәлафи деп айдар тағылған бұл діни ағым біздің елімізге қалай келді? Осы жайында не айтар едіңіз?

-Кеңестер Одағы ыдырап, еліміз тәуелсіздігін алғаннан кейін кеңес заманындағы темір шымылдық алынып, алыс-жақын шет елдерден түрлі ақпараттар ағылды. Олардың арасында жақсылары да, жамандары да бар еді. Сол кездегі (далее…)