Архив рубрики ‘Тылсым дүние’

Соңғы кездерде идеалистік бағыттағы түсініктегі ғалымдардың арасында адам тәнінде тәннен бөлек оның өмірі мен тірлігі туралы ақпараттар жазылған тағы бірдеңе бар деген қағиданы айтуда. Тәннің көшірмесі іспетті нәзік элементтерден тұратын оны ғылми тілмен астральды тән деп атап жүр. Каррингтон деген американдық ғалым «Астральдық әлем» деген кітабында өзінің басынан кешкен жағдайларға ғылыми талдау жасайды. Оның айтуынша кез келген адам тәнін тастап, астральдық тән арқылы кеңістікке шыға алады екен. Өз өмірінде астральдық тәнімен кеңістікке екі жүзден астам рет шыққан ол бастан кешкен жайлары мен сезгендерін баяндайды.

Каррингтан ең алғаш астральды тәнімен кеңістікке жеті жасында шығады. Оның баяндауынша оқиға былай болады.

…Өзінен екі жас үлкен ағасы мен анасы үшеуі басқа қалада тұратын әжелерінің үйіне қонаққа барады. Кешкі тамақтан кейін балалар шағын бөлмеде қатар тұрған екі төсекке жатады. Анасы мен әжесі басқа бөлмеде біраз әңгімелесіп отырған соң ұйқыға кетеді. Ол түн ортасында оянып кетіпті. Қараса аспанда салбырап тұр. Үйдің төбесі қол созым ғана жерде. Содан ол бір жағына бұрылғанда ақырындап төмен құлдырайды. Ғарыштағы салмақсыздық жағдайында ауада қалықтаған сияқты.

(далее…)

Өлімге қатысты адамзат баласында атам заманнан бері бір-біріне қарама-қайшы екі түрлі пікір қатар өмір сүріп келе жатыр. Осыдан екі жарым мың жыл бұрын ғұмыр кешкен Сократ, Аристотель, Платон сияқты грек ойшылдары да өлімге қатысты бітіспейтін қарама-қайшы екі лагерге бөлініп, пікірталасқа түсіпті. Сол кезден қалған жазба деректер осыны дәлелдейді.

Әуелі идея болды, материя содан кейін жаратылды деген түсінікті жақтаған Платон өлімнен кейінгі өмірге, яғни мәңгілік жанға сенсе, материяны әуелгі деп қабылдаған Аристотель мен оның жақтастары өлімнен кейінгі өмірді де, жанның мәңгілік екендігін де теріске шығаруға тырысты. Пәлсапашы ғалымдардың арасындағы бұл тартыс әлі күнге дейін жалғасып келеді.

Орта ғасырлық томаға тұйықтықты жойып, адамзатты мидай араластырып жіберген капиталистік қоғам тұсында материалистік түсінік толықтай жеңіске жетіп, негізгі үстем идеяға айналды. Жаратқанға сену, дінге мойынсұну өткен ғасырда артта қалушылық, надандық деп саналғандығы белгілі. Керісінше, құдайсыздықты, атеистік түсінікті санасына сіңіргендер көкірек көзі ашық, қазіргі заманның төл перзенті болып есептелгендігі шындық.

(далее…)

Мен сол түні шала ұйықтап, таң алдында ғана көзім ілінді. Ертеңіне мал бағу кезегі менікі еді. Кешке дейін мал соңында жүрдім. Тәнімнен шығып, Күләнда кемпірдің үйін байқап көрсем қайтеді деген ой болғанмен, оған жүрегім дауаламады. Кеше түнде көрген жай қатты әсер етсе керек, бойымды билеген үрей-қорқыныштан арыла алмай қойдым. Дін жолына түсіп, намазға жығылсам да, шынын айтқанда осы кезге дейін үлкендерден анда-санда естіп қалатын сайтан дегеннің бар-жоқтығына, оның не мақұлық, табиғаты қандай дегенге мүлдем мән бермей келген екенмін. Түнде  өзім куәсі болған оқиға төбемнен жай түсіргендей сұмдық қатты әсер етті. Тұңғыш рет сайтан, жын дегендер жайында ойлап, соның  мән-мағынасына бойлағым келді. Десе де, адам маймылдан жаралды деген мектеп бағдарламасындағы там-тұмдап алған ақпараттарымнан басқа ештеңе білмейтін маған ол беймәлім құпия болып қала берді.

Содан кешкісін шәйімді ішкен соң Қосымбек молданың үйіне бардым. Маңызды шаруам болмаса  арнайы ат ізін сала қоймайтынымды жақсы білетін ол сәлемімді алған соң не айтатынымды күтіп әдетінше сақалын тарақтап үнсіз отыр. Неден бастарымды білмей апалақтаған мен аузыма түскенді айтып, әйтеуір кеше көрген жайларымды бірдеңе етіп түсіндіргендей болдым. Өз ойын бірден лақ еткізіп ақтара салмай, асықпай баппен және әр сөзін ойлана сабырмен айтатын Қосымбек ата сол әдетімен едәуір уақыт өз ойымен болып мені ұмытқандай сақалын қайта-қайта тарақтай берді.

-Иә, жын деген бар. Құранда жын деген бір сүре де бар. Пайғамбарымыздың өзі адамның көзіне көрінбейтін жын атты мақұлықтың барлығын айтқан, -деп бір қойды әлден уақытта.

(далее…)

Рейнкарнация, яғни өлген соң қайта тірілу – дәстүрлі діндердің бәрінде бар. Дегенмен, иудей, христиан және ислам діндерінде бұл құбылыс толық деңгейде көрінбеген, буддизм мен индуизмде ғана рейнкарнация жан-жақты және толымды түсіндіріледі. Ал ойдан шығарылған діни ағымдарда және атейстік түсінікті негізге алған материалистік ғылымда рейнкарнация түгелдей жоққа шығарылады.

Рейнкарнацияның белгісі қайдан көрінеді

Дәстүрлі ислам немесе христиан дінінің өкілінен өлген соң қайта тірілу туралы сұрай қалсаңыз, өлген соң қияметте сотқа тартылу үшін тіріліп, содан кейін күнәсі көптер мәңгі тозаққа, күнәсі аздар мәңгі жұмаққа кіреді деген мазмұндағы жуапты естисіз. Бұндай түсінікке сай, тіршілік иесі бір-ақ рет жаратылады және бір ғана мәрте өлімді басынан өткереді.

Ислам дінінің өкіліне туу мен өлімнің тұйық шеңберінде мәңгі айналып жүретін жан туралы, яғни рейнкарнация жайында айтсаңыз, діннен шыққан кәпір атанасыз. Ислам ғұламаларының бұл туралы түсінігіне Құранда жазылған «өлі едіңдер, тірілтті, содан кейін қайта ажалдың дәмін татасмыңдар, кейін қиямет сотына тартылу үшін тірілесіңдер» деген мазмұндағы аят негіз болған сияқты.

(далее…)

Біздің балалық шағымыз өткен ғасырдың 60-70-ші жылдарында өтті. Ол кеңес үкіметінің қылышынан қан тамып дәуірлеп тұрған шағы еді. «Қожа менен молданы қойша қуып сабаймыз» деп әндететін комсомолдардың заманында Құдайға сену, дін жолын ұстану қараңғылық, надандық болып саналатын. Бірақ та, соған қарамастан, адамдардың санасында мыңдаған жыл бойы сіңіп қалған Құдайға деген сенім күшті болатын.

Бала кезімізде ауылды аралап, Алла хақ деп айқайлап қойып, қайыр сұрайтын диуана дегендер болушы еді.  Үстіне ескі-құсқы киім киіп, иығына қап, дорба асынып алатын диуана жұрт берген азық-түлікті сол қабына салып жинап алады.  Ескі-құсқы киіп жүретіндіктен бе, үлкендер балаларды «обай, дуана келе жатыр, жылаған баланы дорбасына салып алып кетеді» деп қорқытатын. Кейде әлденеге ренжіп дауыс көтеріп жылап жатсаң үйдегілердің бірі білдірмей далаға шығып кетіп есік алдынан «Алла хақ, жылайтын бала бар ма?» деп дауыстайды. Соны естігенде зәреміз ұшып жылағанымызды қоя қоямыз. Кейін білсек, сол диуана деген қарны ашқандықтан қайыр сұрамайды екен, Алланы ұмытқан адамдарға Жаратқанды еске салу, Алла үшін қайрымдылық жасату үшін қайыр сұрайды екен. Олардың көбі сопылық ағымды ұстанатын, ерікті түрде қайыр сұрау арқылы бойындағы тәкаппарлықты жойып, нәпсісін бақылау үшін солай ететінін кейінірек  оқып білген едім.

(далее…)

Өзекті жанға бір өлім демекші, әрбір тірі пенде ерте ме, кеш пе міндетті түрде ажалдың дәмін татады. Бұл екіні екіге көбейткенде төрт болады дегендей, дау туғызбас ақиқат. Бірақ та, осындай даусыз ақиқатқа қарамастан, пенделер бес күнгі тіршілікте өздерін мәңгі жасайтындай, ажал ешқашан келмейтіндей көріп, адами тілмен айтқанда жаман істерді, дін тілімен айтқанда күнәні еш айыл жимастан жасап жатады.

Есі дұрыс адам жолға дайындалады

Егер сіз алыс сапарға шығатын болсаңыз, уақыты келгенде көлікке отырып, бірден жүре бермейсіз. Алдымен жолға қажетті заттарыңызды алып, киім-кешегіңізді түгендейсіз, құжаттарыңыз бен қажет ақшаңызды дайындайсыз, жақын туыстарыңызға ескертесіз. Осылайша, алыс жолға өзіңізше қажетті дайындықты жасайсыз.

Ал енді жолға дайындалмай алыс сапарға бірден жүріп кеттіңіз делік. Сізді не күтіп тұруы мүмкін? Әрине, күтпеген көп қиындықтар. Ол алдымен вокзалдан пойызға билет аларда басталады. Егер жаз мезгілі болса, алыс сапарға пойызға билет алу да  оңай болмайды.

(далее…)

Көзге көрінбейтін, бірақ адамдарға түрлі залал келтіріп жататын жын-пері аталатын мақұлықтың барлығы туралы ел арасында айтылып жүретін әңгімелерді былай қойғанда, жынның барлығын растайтын Құран аяттары да бар. Ол аз десеңіз, сондай тылсым тіршілік иелерімен кездескен адамдардың айтқандарына негізделген ақапарт құралдарында жарияланып жататын мақалалар мен теле-радиохабарлар да жетерлік.

Жынның азабы

Жақында әлеуметтік желіде бір қазақ әйелі өзін көптен бері жын азаптап жүргендігі жайлы видеоролик жариялады. Әлгі әйелдің айтуынша, құлағына түрлі дыбыстар келеді, өзіне де, өзгеге де залалын келтіретін әрекеттер жаса деп әмір етеді екен. Тіпті, ол бірде мысықтың баласын тірідей жұтып қойыпты. Әбден запы болған әйел дәрігерлерге де, молдаларға да барған. Бірақ нәтиже жоқ.

Ондаған, тіпті жүздеген қыз-келіншекті зорлап, артынан өлтірген ағылшындық Үрейлі Джо, ресейлік Чикатило сияқты маньяктар туралы жазылған мақалалаларда олардың бұндай әрекетті әлдебір күштің ықпалымен жасағандығы туралы айтылады. Енді мынаған назар аударып көріңізші: ақыл-есі дұрыс адам жүздеген қыз-келіншекті зорлап, өлтіре ме?

(далее…)

Бүгінгі материалистік ғылым түсіндіретін әлем құрылысы туралы ғылыми гипотеза уақыт өткен сайын сол ғалымдардың өз тарапынан түрлі сындарға ұшырауда. Кванттық физика мен молекурлы биологияның дамуы әлем құрылысы жөніндегі ғылыми түсінікті теріске шығаратын жаңалықтарды үнемі алдымызға тартуда. Бұның өзі қазіргі ғылыми түсінікке қайта қарап, көзқарасымызды өзгерту қажеттігін көрсетеді.

Жер жұмыртқа формалы және біз ойлағаннан әлдеқайда үлкен

Соңғы кезде өз түсініктері бар және замандастарынан әлдеқайда озып кеткен индиго аталатын сәбилер қатары көбейіп келеді. Олардың бүгінгі ғылымға қайшы келетін түсініктері санасы қасаңданған жандар үшін ақылға сыйымсыз болып көрінгенмен, заман ағымын түсінетін озық ойлы жандар оны дұрыс қабылдайды.

Осындай өзгеше ойлайтын жастардың бірі ресейлік Лариса Гуляеваның ютубтегі видеоблогынан әлем құрылымы туралы көптеген видеосабақтар табуға болады. Енді соларға назар аударып, өзімізше талдап көрелік.

(далее…)

Өлім деген адам баласы үшін жақын туыс-бауырларынан, жиған-терген байлығынан, атақ-мансабынан, ақырсында тіршілігінен айыратын құбыжық сияқты саналады және бүгінгі ғылым оның құпия сыры ешқашан аша алмайтынын мойындап қойған. Шындығында, Алла жаратқан өлімнің құпиясын адам баласы түсіне, тіпті бақылап, басқара да алуы мүмкін екен.

Адамдардың қуатын соратын құбыжықтар

Өткенде бастаған әңгімемізді одан әрі жалғастырып, тәні өлген жігіттің басынан кешкендеріне қайта оралайық. Түнде ұйқыға жатқан жігіттің  жүрек талмасы ұстап, кенеттен қайтыс болады. Бірақ оның санасы жоғалмай, керісінше, айналада болып жатқан жайлардың бәрін көріп, естіп, сезінеді.

Таңертең баласының өлі денесін көрген анасы дереу жедел жәрдем шақырған. Дәрігерлер келіп қарап, жігіттің өлгенін анықтайды. Өзінің өлі тәнін көргенімен, оған еш ықпал жасай алмайтын жігіт кенет тағы бір қызықты жайға тап болады. Бұл кезде оның өлгенін естіп көршілері, таныстары да келе бастапты.

(далее…)

Дәстүрлі діндердің түсінігінде өлгеннен кейінгі өмір бар, бірақ та оның қалай болатыны жайында нақты деректер жоқ. Ал материалистік ғылым адам тәні өлген соң ми жұмысының негізі саналатын санасы да мәңгіге өшіп жоғалады, яғни өлім дегеніміз мәңгіге жоғалу деп түсіндіреді. Бұл екі түсініктің екеуі де адамға қашып құтыла алмайтын ажал дегеннің не екендігі туралы жарытып білім бермейді.

О дүниеден оралған жігіт

Ертеде радио-телевидение, интернет, газет-жорнал деген жоқ кезде адамдардың арасындағы байланыс алып-қашты сөздер арқылы жасалатын. Ол негізінен «пәлен жерде пәлендей оқиға болыпты дейді» деген мағынада айтылатын және ол ақпараттың шынайы екендігіне ешкім ешқандай кепілдік бермейтін. Қазір ақпарат дамыған ғасырда жағдай мүлдем басқаша.

Интернеттің дамуы адамдардың өз бастарынан кешкен түрлі жағдайлар жайында ақпаратты жедел таратуға мүмкіндік жасады. Ол ақпарат ертедегідей «пәленше бүйдеген екен» деп оған әркім өз ойынан тағы бірдеңелерді қосып, өзгертілген түрде емес, алғашқы түпнұсқа бойынша өзгеріссіз таратылады. Сондықтан, ондай ақпаратқа сенуге болады.

(далее…)

Яндекс.Метрика